Krasniqi: Opozita ka nevojë për mbështetjen e qytetarëve

10 Shtator 2015, 14:10, Kosova & Bota CNA

?Tani natyrshëm shtrohet pyetja: pse opozita e ka qitur në plan të parë, problemet politike. Mendoj që edhe kjo e ka arsyen e vet, pasi problemet politike, të cilat rrezikojnë të shndërrohen në probleme të pakthyeshme politike pasi po behën me ndërmjetësimin e faktorit ndërkombëtar dhe si të tilla kërkojnë një vëmendje të shtuar e të ngutshme politike. Ndërsa problemet e tjera, ndonëse mjaftë substanciale, janë probleme me të cilat qytetarët kanë bashkëjetuar gjatë gjithë këtyre viteve të pas luftës çlirimtare dhe nuk janë aq popullore, pasi sikur jemi ambientuar me to, por edhe janë çështje që mund edhe të riparohen goxha shpejtë nëse do t?ia arrijmë të krijojmë një qeverisje të mirë. Opozita me kundërshtimin që i bënë Bashkësisë serbe, ajo nuk është kundër të drejtave dhe lirive të komunitetit serb në Kosovë, është kundër sovranitetit te Beogradit zyrtar në Kosovë?, ka thënë Krasniqi.

Këtu, dikush mund ta shtrojë edhe një pyetje tjetër, ka thënë ai.
?A është i krijuar ambienti nga opozita për t?i bashkuar të gjithë zërat opozitarë që janë krijuar nga qeverisja e vjetër dhe e re? Këtu është vështirë të flitet me ndonjë siguri, pasi opozita është numerikisht e vogël, kurse pozita numerikisht është e madhe dhe me ndikim të madh në krijimin e një opinioni edhe pse jo të favorshëm për te, por ka arritur ta krijoj një opinion topitës. Dhe ky opinion topitës për ndryshim në drejtimin e opozitës, është: të gjithë politikanët dhe për pasojë të gjitha partitë politike qofshin të pozitës apo të opozitës janë të njëjtë/njëjta?, ka thënë ai.

Ky opinion apo bindje e krijuar dhe e mbjell edhe nga segmente jo qeveritar apo medie qeveritare, nëse nuk e vret mendimin opozitar dhe reagimin qytetar atëherë e ngulfat atë, thotë Krasniqi, teksa shton se kjo bindje apo opinion i krijuar, pa dyshim që nuk shkon në shërbim të ndryshimit dhe për pasoj është infuzion i fuqishëm për ruajtjen e pushtetit të atyre që kanë qeverisur keq më çdo segment institucional, ekonomik e publik.

?Përkundra të gjitha këtyre që u than, Kosova ka nevojë për krijimin e një Fronti opozitar dhe jo vetëm te partive politike, por te të gjithë zërave opozitar që tani janë mjaftë të shkapërderdhur. Natyrisht që ketë rol duhet ta marrin partitë opozitare të cilat duhet ta krijojnë ambientin për ti bashkuar të gjitha komunitetet opozitare që i ka krijuar qeverisja e keqe dhe e pa përgjegjshme e koalicionit të madh. Për të krijuar Frontin opozitar secili subjekt opozitar duhet të heq diçka nga e vetja për të krijuar besimin qytetarë për ndryshim dhe qeverisje të mirë?, ka thënë Krasniqi. ?Opozitës së bashkuar i mbetet krijimi i një programi politik, ekonomik e social etj., i cili do t?i precizonte dhe do të afronte zgjidhje për të gjitha temat më substanciale e më të prekshme për jetën e qytetarit tonë. Por, për ketë është e domosdoshme mbështetja dhe reagimi qytetar. Frontit i duhet edhe një mbështetje mediale?, ka shtuar ai.