web counter
LEXO PA REKLAMA!

SHKARKO APP

App Store
Google Play

E fundit!

x

Françesko Beketi padit Shqipërinë në Arbitrazh

11 Shtator 2015, 07:32, Aktualitet CNA

Françesko Beketi, biznesmeni italian i shpallur në kërkim ndërkombëtar nga drejtësia shqiptare, me ndihmën e avokatëve të tij padit Shqipërinë në Gjykatën e Arbitrazhit për sekuestrimin dhe urdhër-arrestet e lëshuara në ngarkim të tij. Burimet kanë bërë të ditur se Avokatura e Shtetit është njoftuar nga Qendra Ndërkombëtare për Zgjidhjen e Mosmarrëveshjeve të Investimeve që luan rolin e Gjykatës së Arbitrazhit, se Françesko Beketi ka dorëzuar një padi kundër Shqipërisë.

Në njoftimin e ardhur në Avokaturën e Shtetit, thuhet se shoqëritë Hydro Srl, Costruzioni dhe shtetasit Françesko Beketi, Mauro de Renzis, Stefania Grigolon dhe Liliana Condomiti kanë paditur Shqipërinë për shkelje të traktatit, ?Për promovimin dhe mbrojtjen e Investimeve?, e lidhur mes Shqipërisë dhe Italisë më 12 shtator të vitit 1991. Referuar paditësve, Shqipëria me sekuestrimin e kompanive italiane dhe lëshimin e urdhër arresteve për investitorët dhe administratorët e kompanisë, ka dëmtuar biznesin Italian në Shqipëri. Burimet thanë se në padi, ndër të tjera thuhet se investimet, objekt shqyrtimi në këtë procedim arbitrazhi janë projekti i ndërtimit të Hidrocentralit Kalivaçi, Shoqëria Energji si kontraktore për hidrocentralin e Kalivaçit dhe Televizioni ?AgonSet?. Mësohet se Qendra Ndërkombëtare për Zgjidhjen e Mosmarrëveshjeve të Investimeve ka njoftuar palën shqiptare të depozitojë materialet kundërshtuese që pala shqiptare i disponon në ngarkim të këtyre kompanive dhe personave tashmë të shpallur në kërkim.

 





Lajmet e fundit nga