web counter
LEXO PA REKLAMA!

SHKARKO APP

Sherri në  Laç, Gjergj Cali në Gjykatë: Tahiri më tha gjithcka është në rregull

8 Shtator 2015, 10:22, Aktualitet CNA

Seanca për ngjarjen na Lac ku është përfshirë edhe deputeti i PS, Armando Prenga po vijon normalisht me dyer të mbyllura.

I pari që ka dalë para trupit gjykues është Gjergj Cali.

Ai ka deklaruar se pjestarët e familjes së tij janë qëlluar brenda ambienteve të policisë vetëm 30 cm larg policisë. Cali ka akuzuar deputetin Prenga si agresorin kryesor.

55-vjecari tha se ka njoftuar policinë natën e konfliktit pasi anëtarët e fisit të tij janë ndjerë të kërcënuar nga deputeti i qarkut të Lezhës, Armando Prenga.

Cali  e ka bërë telefonaten para se të niste përleshja ku u përdor edhe arma pranë komisariatit të Kurbinit.

Gjergj Cali  i cili ka mbetur i plagosur nga konflikti ka deklaruar se ka telefonuar edhe ministrin e Brendshëm, Saimir Tahiri dhe ky i fundit i ka deklaruar se gjithcka është në rregull.

Sipas tij, deputeti Prenga pasi i ka marrë bukën e gojës dhe i ka vrarë tani kërkon ti burgosë.

Për 55-vjecarin, Gjergj Cali gjykata ka pranuar kërkesën e Prokurorisë duke caktuar masën e sigurisë ?Arrest me burg?. Ai akuzohet për ?Armëmbajtje pa leje? dhe ?Plagosje me dashje?.

Dyshohet se ka plagosur vëllain e deputetit, E.PRenga dhe G.Jushin.





Lajmet e fundit nga