E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Jepini kanabis Koço Kokëdhimës/Ndoshta ka njëfarë të drejte

7 Shtator 2015, 18:07, Aktualitet CNA

Deputeti socialist Koço Kokëdhima, vazhdon të këmbëngulë në të mirat ekonomike dhe mjekësore të kanabisit. Ndërkohë që shkenca ende s?e ka zgjidhur, por ka disa pika ku janë dakord. Gjithmonë i ndajnë llojet e kanabisit. Disa media amerikane si New York Times, shkruajnë se ka efekte negative dhe studimet janë të limituara, por ka të tjera media që publikojnë se kanabisi ka efekte mjaft të rëndësishme per shëndetin.

Sipas një nga mediave me të rëndësishme botërore kanabisi ka efekte pozitive në shëndetin e njeriut dhe mund të jetë mjaft efektiv kundër depresionit. Në një shkrim të publikuar në datën 2/06/2015 të cilin mund ta gjëni tek ky link: (http://www.huffingtonpost.com/2015/02/06/marijauna-depression_n_6622126.html), thuhet se ?Një kërkim i kryer në Universitetin e Buffalos, sugjeron se kanabis mund të trajtojë një sërë sëmundjesh, fizike e mendore, që nga çregullimet post-traumatike tek

dhimbjet kronike. Studimi i lançuar në muajin shkurt të këtij viti, tregon se kanabisi mund të ndihmojë gjithashtu në trajtimin e depresionit, që mund të jetë rezultat edhe i stresit kronik. Sipas neuroshkencëtarëve, përdorimi i kanabisit mund të reduktojë ndjenjat e dhimbjeve dhe të ankthit, duke rritur ndjenjën e të qenurit mire?.

Pra ne po e ndihmojmë pak kauzën e madhe të Koços tonë, ne e dimë ai është i rrallë në llojin e vet, si mund të humbësh mundësinë ta ndihmosh këtë gjitholog.

Huffington jep qartazi këto qëndrime dhe ndoshta Koço i lexon, ose ja ofron stafi, ose dikush që vërtet ka nevojë, askush nuk mund të thotë se mund ti duhet vetë Koços, ai thjesht po kërkon të legalizojë diçka që bën mirë për shëndetin. Bota mbarë ende se ka gjetur zgjidhjen, por ?komisari i jugut? e ka atë gati.

Ndoshta askush nuk ka bërë një propozim, a mund ta përdornin vetë komisarin për ta provuar, cilësinë dhe shërbimin që i bën mjekësisë. Qeveria duhet ta marë seriozisht këtë pjesë.

Jepini kanabis Koços, se keni nga të gjitha llojet dhe cilësitë. Keni fushe, mali, afër lumit, poshtë pishave, keni lab, korcar, kolonjar, tepelenas, shkodran, dibran, elbasonlli, fjerak, tirons etj, se kudo ka korrur policia kanabis te rritur apo te pa rritur, si ta doje AI.

Jepini kanabis Koços, ta përdorë çdo ditë, ndoshta kështu bëjmë dy shërbime, të parin mjekësisë dhe të dytin Koços. Nga e para mjekët kuptojnë sasinë, efektet dhe ndoshta kokat e shkencës në botë vijnë në memëdheun tonë për të studiuar Koço kanabisin. Nga ana tjetër vetë ai mund të ketë nevojë, të shërbejë në këtë kauzë të tij. Fakti që ai këmbëngul kaq shumë, një farë të drejte dhe halli e ka, ose shëndetin ose tregëtinë.

Jepini kanabis Koços, jepini ndoshta i bëni nder PS-së, Ramës, Qeverisë, deputetëve socialistë, ndoshta edhe shoqërisë. Koçoja e ka një hall, sa këmbëngul duhet të ketë një farë të drejte. Jepini kanabis Koços.

Elvi FUNDO