web counter
LEXO PA REKLAMA!

SHKARKO APP

App Store
Google Play

Thellohet skandali me Check Up-in

4 Shtator 2015, 07:31, Sociale CNA

Merr përmasa të tjera skandali me tenderin për kontrollin shëndetësor bazë për mosha 40-65 vjeç (Check-Up). Dje, gazeta ?Sot? denoncoi mospërmbushjen e kontratës nga kompania që fitoi tenderin ?Marketing&Distribution?, e cila duhej që të ndërtonte 18 laboratorë në të gjithë vendin për kryerjen e analizave të gjakut dhe të urinës. Por një gjë e tillë deri më tani nuk ka ndodhur, pasi kampionet nga të gjitha qytetet vijnë në Tiranë dhe analizat bëhen në vetëm një laborator, edhe ai i amortizuar.

Por cila është arsyeja se përse dështoi ndërtimi i laboratorëve? Përveç dyshimeve se paratë mund të kenë shkuar në xhepat e shumë personave, kompania nuk është e specializuar në këtë aspekt. Çfarë ka ndodhur realisht? Kompania në fjalë nuk është e specializuar fare në fushën e mjekësisë, për të cilën do të flasim në ditët në vijim, por merret me tregti produktesh konsumi. Duke qenë jashtë profilit ajo duhej të certifikohej për ngritje laboratorësh dhe ky certifikim u bë vetëm dy ditë para shpalljes së tenderit. Tenderi për dhënien me koncesion të ?Check-Up? u hap më 18.08.2014, ku dhe u përcaktuan kriteret e kompanive pjesëmarrëse. Sipas të dhënave nga Drejtoria e Përgjithshme e Akreditimit, certifikimi për laboratorë u bë vetëm dy ditë më parë. Pyetja që lind natyrshëm është: Si ka mundësi që një kompani që kërkon të bëjë analizat e gjithë qytetarëve shqiptarë në moshën 40-65 vjeç, që nuk ka eksperiencë fare në këtë fushë, certifikohet vetëm në ditët e fundit? Kur bëhet fjalë për tenderë kaq të rëndësishëm, dhe në qendër është shëndeti i qytetarëve, normalisht duhet që kompanitë të jenë të specializuara dhe të kenë kryer kualifikime të shumta.





Lajmet e fundit nga