web counter
LEXO PA REKLAMA!

SHKARKO APP

E fundit!

x

Avokati i Popullit: Verifikim vonesave me subvencionimin e energjisë për Personat me Aftësi të Kufizuar

3 Shtator 2015, 14:24, Sociale CNA

Avokati i Popullit nis menjëherë verifikimin e disa ankesave që kanë ardhur pranë institucionit nga Shoqata e Personave me Aftësi të Kufizuara.

Përfaqësues të kësaj shoqate paraqitën ankesën për vonesa disa mujore në marrjen e subvencionimit të energjisë elektrike nga ana e personave me Aftësi të Kufizuara. Një tjetër shqetësim i paraqitur në ankesën e Shoqatës për Personat me Aftësi të Kufizuar është edhe përjashtimi nga subvencionimi i energjisë elektrike për ata persona që kanë nënshkruar akt-marrëveshje për pagesa të pjesshme të debive, ndaj Operatorit të Shpërndarjes së Energjisë Elektrike (OSHEE). Një situatë e tillë, konfirmojnë përfaqësuesit e Shoqatës së Personave me Aftësi të Kufizuar, PAK, ndodh në Tiranë dhe në disa rrethe të vendit.

Institucioni i Avokatit të Popullit ka nisur verifikimin edhe për vonesat disa ditore të pagesave për statusin e të verbrit, kryesisht në disa zona të kryeqytetit.

Pas përmbylljes së hetimeve për këto raste, institucioni i Avokatit të Popullit do të përgatisë edhe rekomandimet përkatëse, në respekt të të drejtave që gëzojnë të gjithë Personat me Aftësi të Kufizuar.

 





Lajmet e fundit nga