E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Tabaku : I korruptuari Meta duhet të japë dorëheqjen, Rama pasi e akuzoi kërkon të thellojë skandalin me deklaratat e tij

4 Shtator 2015, 09:58, Aktualitet CNA

Partia Demokratike ka dalë në një deklaratë për shtyp me deputeten Jorida Tabaku për të folur në lidhje me përfshirjen e Metës në akuzat për korrupsion.

Në fjalën e saj Tabaku, ka akuzuar Kryetarin e Kuvendit, Meta për përfshirjen e tij në këto akuza dhe ka kërkuar dorëheqjen në mënyrë që të përballet me ligjin pa imunitet.

?Kryeministri Rama reagon sa për të larë gojën pasi e akuzoi me avokatët e tij ?, shprehet Tabaku.

Faktet e përfshirjes së Metës në këtë skemë mashtrimi nga kompaninë DIA me CEZ ekzistojnë.

Deklarata e plotë.

?Skandali i rryshfetit të Ilir Metës u thellua dhe mori më shumë erë nga përpjekja e Edi Ramës për ta mbuluar, edhe pse reagimi i Kryeministrit është i thatë, sa për të larë gojën.

Me anë të zyrës së tij, Edi Rama u mundua të komunikonte se avokatët e qeverisë në zyrën e arbitrazhit në Vjenë nuk paskan përmendur emrin e Ilir Metës si përfitues të rryshfeteve në shuma të mëdha.

Po çfarë kanë deklaruar zyrtarisht në fakt, të zezë mbi të bardhë Oliver Seyd dhe Tim Schreiber, avokatët e qeverisë shqiptare në dokumentin zyrtar drejtuar Arbitrazhit të Vjenës me datë 30 qershor 2015: Ata janë shprehur si më poshtë:

DIA ka marrë miliona euro nga CEZ në atë kohë, dhe i ka justifikuar këto shuma për rryshfete për zyrtarë të lartë, përfshirë një ish-kryeministër i cili ka qenë nën akuzë më parë për korrupsion.

Agjensia ndërkombëtare e lajmeve BIRN që botoi këtë skandal ka arritur në konkluzionin se ish-kryeministri që përmendin avokatët e qeverisë, i cili ka qenë nën akuzë më parë për korrupsion, është Ilir Meta.

I gjithë hetimi bazuar edhe në deklaratat e mëparshme të CEZ para autoriteteve shqiptare, con ashtu sic e kanë pranuar zyrtarisht avokatët e qeverisë shqiptare, tek Ilir Meta.

BIRN flet edhe për rrethana të tjera, që e lidhin Ilir Metën me DIA-n, si përshembull vajtjen e tij deri në Pragë në zyrat qendrore të CEZ për të lobuar që DIA, kompania që ka shpërndarë rryshfete, të kontraktohej për mbledhjen e borxheve dhe shërbime të tjera.

Dokumente të siguruara nga BIRN, dhe të publikuara në një shkrim të datës 3 qershor 2015, tregojnë se ish drejtori I përgjithshëm i CEZ Shpërndarje, Josef Hajsek ka konfirmuar se Kastriot Ismailaj u rekomandua nga Ilir Meta, i cili u ofrua si garant i marrëveshjes.

Këto janë faktet, kjo është e vërteta.

Të tjerat janë përpjekje të dëshpëruara për të mbuluar këtë skandal.

Ngjarja është e rëndë dhe kërkon hetim të menjëhershëm e serioz nga Prokurori i Përgjithshëm.

Por kjo mund të arrihet vetëm pas dorëheqjes së Ilir Metës nga posti i numrit dy të vendit, dhe dorëzimin e tij para drejtësisë si qytetar i thjeshtë.?