web counter
LEXO PA REKLAMA!

SHKARKO APP

App Store
Google Play

E fundit!

x

Sot vendimi për parkun e liqenit/Modifikohen projektet në fshehtësi

4 Shtator 2015, 07:27, Aktualitet CNA

Komisioni i vlerësimit të ofertave do të vendosë sot për projektin fitues për ndërtimin e hyrjes së parkut të liqenit artificial në Tiranë. Pas tërheqjes disa muaj më parë, ku u kërkua kohë për vlerësimin e projekteve që betonizojnë parkun, mësohet se mjaft prej tyre janë ndryshuar. Pasi testoi opinionin publik me projekte që mbushin hyrjen e parkut me pallate dhe ndërtime, qeveria mësohet se ka bërë hapa pas.

Një gjë e tillë është konfirmuar dhe nga ambjentalisti Sazan Guri, i cili deklaroi në një prononcim për gazetën se shoqëria civile do të kundërshtojë çdo lloj projekti. ?Nesër (sot) do të merret vendimi për të zgjedhur një nga 10 projektet e paraqitura për hyrjen e liqenit artificial. Që të 10-ta këto projekte fillimisht ishin me një ngarkesë të ekzagjeruar. Tani ato të jenë më të lehtësuara në këtë aspekt?, deklaroi ai. Takimi për të zgjedhur firmën fituese pritet të zhvillohet gjatë paradites në një nga hotelet e kryeqytetit, ku mësohet se të pranishëm do të jenë dhe përfaqësues të shoqërisë civile, të cilët do të dorëzojnë dhe një rezolutë me rreth 60 firma kundër çdo lloj ndërhyrje në këtë park. Pak ditë më parë u zhvillua dhe një tryezë nga ambjentalistë e arkitektë, të cilët u shprehën se me të tilla ndërhyrje shkelet ligji dhe do të dëmtohet një hapësirë e madhe e parkut. Ambjentalisti Sazan Guri deklaroi dje për gazetën se shoqëria civile do të angazhohet fuqishëm në ditët në vijim kundër çdo lloj projekti, duke mos lejuar asnjë ndërhyrje. ? Nuk do të lejojmë asnjë ndërhyrje në park. Do të ketë protesta masive?, ka deklaruar ai.

 





Lajmet e fundit nga