Larg duart nga Kisha, shoku kryeministër/ Behu shërbëtor, jo shkatërrimtar

25 Gusht 2015, 14:17, Aktualitet CNA

Elvi FUNDO

Një debat që çdo ditë po bëhet edhe më i fortë, në lidhje më Kishën e Shën Athanasit në Dhërmi. Por ky debat po banalizohet në mënyrë të tupshme nga kryeministri dhe njerzit e tij, duke e cuar deri në fyerje të Komunitetit Orthodhoks.

Kisha Orthodhokse pretendon për pronën e saj, për këtë publikon edhe një dokument pronësie të vitit 1921, nga ana tjetër ABC News, sjell një kronikë për Kishëzën në Dhërmi ku duket qartaz se aty ka ikona dhe shërbente si vend i shenjtë për besimtarët orthodhoksë. Kisha Orthodhokse prej disa ditësh proteston dhe ka ngritur sirenat e alarmit, dhe vjen reagimi.

Kryeministri ynë i nderuar, pretendon se po prish një garazhd. Në mënyrën më të turpshme nuk bën asgjë tjetër por fyen komunitetin orthodhoks. Abc News tregoi ikonat brenda Kishes, Kisha dokumentin e pronësisë, kurse kryeministri tregonte dy foto nga jashtë objektit dhe e quante garazhd.

Ndoshta për të pafetë, ata që o kanë sytë e errët nga deliri i madhështisë, mund të jëtë garazhd. Ndoshta për partinë e zotërisë që në vitet ?67 shkatërroi kisha e xhamia dhe ende ka termin shok, ndoshta është garazhd.

Ndoshta kryeministrit tonë dhe disa që e nxisin ju duket garazhd, sepse atij i duket vetja ?Krishti i Dytë?, apo një profet i dytë, apo një idhull i dytë që është afër Zotit, apo më keq akoma vetë Zoti në tokën tonë.

Fatkeqsisht ai është kryeministri ynë delirant, që për herën e tretë guxon dhe ngre dorë kundër Kishës. Po për herën e trete.

E bëri në Permet. Aty kishte një vendim gjykate dhe kërkoi t?ja jepte objektin Bashkisë. Hodhi në rrugë ikona, ikonostase, mjetet e shërbesës dhe gjithcka tjetër. Priftërinjë i tërhiqnin si të ishin banditë. Në fakt ata janë në qeveri e parlamentit.

Priftërinjtë i tërhiqnin policë privatë apo të shtetit, zvarë nga rasa. Sot ai objekt është kthyer në shurtore publike. Cfarë e pengoi kryeministrin që me vendim qeveria t?ja jepte Kishës këtë objekt, që ishte në tokën e saj, dhe një objekt më parë i ishte rrënuar? Dhe mos e lejonte degradimin, por bëri të kundërtën? Thjesht delirantizmi.

Pas saj vazhdoi më rrethimin e Katedrales në Tiranë. Sharroi kangjellat, duke cuar troko dhe sharra në derën e Kishës, si etërit e tij në vitin ?67. Tani shkon dhe shkatërron një kishëz në Dhërmi.

Rama duhet ta dije mirë se orthodhoksët nuk janë as demokratë e as socialist, së pari janë BESIMTARË, janë komuniteti që i kanë falur këtij vendi identitet dhe histori. Dhe në mënyrë kriminale qeveria shkon dhe i prek objektet e Kultit. Atje ku vetëm diktatura dje guxoi, sot rikthehen pasardhësit.

Po pse nuk e ndihmon Kishën, por tallesh turpshëm? Si guxon të thuash do rilind Kishën? Po ti nuk je ?Krishti i dyte?, ndoshta ashtu të duket vetja sepse ke pushtet, por ti nuk je as një shërbetor, thjesht një i tillë siç janë besimtarët orthodhoksë.

Ti nuk je dot shërbetor, ti duhet të përulesh, të besosh dhe të jesh dinjitoz dhe të bëhesh shërbetor, jo horrë dhe shkatërrimtar. Ti ke nëvojë të shërosh delirantizmin tënd.

Shko në Kishë, shërohesh falas, pastron dhe qetëson shpirtin. Djajtë e politikës do të largohen mënjëherë. Ndoshta i shërben më mirë edhe vendit me detyrën që ke përkohësisht, Kisha është e përjetëshme, këtë nuk ke mundësi ta shkatërrosh.