web counter
LEXO PA REKLAMA!

SHKARKO APP

App Store
Google Play

Emrat e ministrave që do të ndryshojnë në shtator

29 Korrik 2015, 11:37, Aktualitet CNA

Pas pushimeve të verës përbërja e qeverisë Rama nuk do të jetë kjo e sotmja. Disa ministra do të largohen për t?ua lënë vendin të tjerëve dhe disa do të lëvizin brenda dikastereve. Krerët e aleancës qeverisëse, Rama e Meta po i studiojnë prej kohësh lëvizjet. Diskutimet mes tyre janë intensifikuar këto ditë të nxehta të korrikut. Kryetari i LSI nuk i ka përjashtuar ndryshimet në qeveri kur është pyetur nga mediat pas zgjedhjeve vendore. Ai e ka aplikuar modelin e ndryshimi të ministrave të tij në mes të mandatit qeverisës edhe kur ishte në koalicion me Berishën.

As kryeministri Rama nuk është kundër. Ndryshimin e parë ai e pati të detyruar, me emërimin e Blendi Kosit në vendin e lënë bosh nga Erion Veliaj, që u zgjodh kryetar i Bashkisë së Tiranës. Lapsi.al mësoi se LSI do të lëvizë nga Edmond Haxhinaston nga Ministria e Transporteve për ta emëruar Ministër të Integrimit. Klajda Gjosha ishte përfolur prej kohësh si nënkryetare e Bashkisë. Nuk dihet nëse ajo do të shkojë në këtë detyrë, pasi LSI ka propozuar Brunilda Paskalin për zëvendëse të Erion Veliajt.

Nga LSI do të lëvizë edhe Nasip Naço. Vendin e tij tek Ministria e Drejtësisë do ta marrë Saimir Tahiri. Ndryshimi vjen në një kohë kur në shtator pritet të nisë edhe reforma në Drejtësi dhe Ramës i duhet një besnik në këtë dikaster që ka jo pak rol në këtë reformë. Tek Ministria e Brendshme, në vend të Tahirit prite të shkojë Taulant Balla. Zëra brenda mazhorancës flasin për një portofol edhe për zëvendëskryeministrin Niko Peleshi. Nuk është e qartë se çfarë do të bëhet me ministrat që do të lënë postet, pasi ata nuk kanë më as mandatin e deputetit. Lapsi.al





Lajmet e fundit nga