web counter
LEXO PA REKLAMA!

SHKARKO APP

App Store
Google Play

Velipoje, vidhnin kabinat e pushuesve, arrestohen kater grabitesit

24 Korrik 2015, 13:45, Kronika CNA

Shkatërrohet grupi i hajdutëve i përbërë nga katër persona, të cilët vidhnin kabinat e pushuese në plazhin e Velipojës. Gjatë ditës së sotme efektivët e policisë së Shkodrës dhe Pukës kanë vënë në pranga 23 vjeçarin Rozart Volaj, banues në Shkodër, 22 vjeçarin Astrit Dauti, banues në Durrës, i dënuar më parë për vjedhje, 18 vjeçarin Marjan Ndoja, banues në Durrës dhe 21 vjeçarin Mark Qungeli, banues në Durrës, i dënuar me parë për vjedhje. Burime zyrtare nga policia thane se katër të rinjtë kanë vjedhur disa kabinat në plazhin e Velipojës, duke u kthyer në makthin e pushuesve në këtë zonë. Kanë qenë denoncimet e pushuesve të dëmtuar ato që kanë vënë në lëvizje uniformat blu, të cilat kanë bërë të mundur gjetjen dhe kapjen e autorëve. Katër të ndaluarve u janë gjetur dhe sekuestruar në cilësinë e provave materiale dy gramë Canabis Sattiva, 30 gramë farë e dyshuar si lëndë narkotike Canabis Sattiva; 13 copë aparate celulare të tipeve të ndryshme; 4 portofola me 144 euro, 4560 lekë të reja dhe 11 dollarë amerikan; një orë dore; një palë syze IPKO; një maskë, një palë doreza llastiku, një barset, një çantë brezi, dy karikuesa telefoni; dorezë sporti, një kapele, 4 blloqe me vizatime tatuazhe, një shirit natriban, një zhvillues boje, një ngjitëse e bardhë plastike, një boks i bardhë muzike dhe një palë syze dielli. Në ngarkim të të dyshuarve materialet i kaluan Prokurorisë së Shkodrës për veprat penale ?Vjedhje në bashkëpunim? dhe ?Prodhim dhe mbajtje të lëndëve narkotike?.





Lajmet e fundit nga