Rrëfimi i prindërve të 14-vjeçares: Vajza këndonte nga gëzimi, s'kishte bërë kurrë plazh

23 Korrik 2015, 06:46, Kronika CNA

Maria Sholla, nëna e 14-vjeçares që humbi jetën duke kaluar një lumë në Greqi, tregon vështirësitë që kaloi sëbashku me bashkëshortin dhe të bijën, në tentativë për të kaluar ilegalisht kufirin dhe momentin kur gjeti vajzën të pajetë në ujë.

Gjatë një intervistë të dhënë për gazetën “Panorama”, Elona Sholla tregon se papunësia dhe gjendja e vështirë ekonomike i kishin detyruar të udhëtonin tri ditë në këmbë për të gjetur punë në Greqi. Madje, për shkak të pamundësisë financiare, çifti nga Ardenica e Lushnjës i ka dërguar dy fëmijët e tjerë në Manastirin e Shënavlashit.

Por historinë e vërtetët të kësaj tragjedie e rrëfen ky ditar i shkruar nga Maria. Mes rrjeshtash na shfaqet një vajzë me ëndrra, me shpresa për të ardhmen, por që kthetrat e varfërisë e tërhoqën zvarrë në rrugën e kurbetit ku humbi jetën.

14-vjeçarja shkruan se ajo nuk dëshiron të largohet nga vendi, shokët, të afërmit, por shpresa se ky udhëtim do ti japë fund varfërisë bëri që të ndërmerrte rrugën pa kthim.

(Ditari i vajzës 14-vjeçe)

Po lë shkollën për shkak të kurbetit, ndoshta rruga është e vështirë, por do ta përballoj, rruga përballohet, por malli jo. Do doja që më mirë të përballoj fukarallëkun sesa mallin. Ndoshta do ishte fundi i varfërisë. Do të më marrë malli për vëllain dhe motrën, po sikur ti takoj pasi të jenë rritur. A ta dish sa dhimbje që kam, sepse nuk është thjeshtë të ikësh. Tani kam arritur në Greqi dhe tani që po shkruaj ndodhemi në një pyll që ka shumë dhen,është shumë lart. Nesër do nisemi përsëri, por ka shumë policë, dhe kemi tre ditë që fshihemi rrugëve nga policat. Ne udhëtuam shumë dhe në fillim ata (prindërit) gjetën punë. Tani jemi në një pallat që nuk është as i imi dhe as i prindërve të mi, por shtëpia e dy burrave të moshuar që nuk kanë gjetur nuse dhe prindërit janë punësuar këtu. Zoti dashtë të na plotësohen lekët për shkollën dhe për Gjermani.

Emigrantët shqiptarë në Grevena të Greqisë, kanë ndihmuar prindërit të sjellin turpin e 14-vjeçares në atdhe. Por kjo ngjarje tronditi edhe dy fëmijë të tjerë të mitur të bashkëshortëve Sholla, një djalë dhe një vajzë të cilët qëndrojnë në qendrën rezidenciale për fëmijët në nevojë në Durrës, aty ku ka qenë edhe Maria. Fëmijët janë rritur në këtë qendër për shkak të pamundësisë ekonomike të prindërve.