E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

Letra e një demokrati/ Genc Pollo shkatërroi arsimin dhe PD-në në Kavajë

22 Korrik 2015, 10:10, Aktualitet CNA

Në redaksinë e Citynews.al ka mbërritur një letër, nga një qytetar, i cili kërkon që identiteti i tij të mos bëhet publik, por ai t?ju vihet në dispozicion vetëm drejtuesve të lartë të PD.

Në letër, ngrihen pretendimet dhe jepen fakte lidhur ish-kreun e PDR, sot të deputet i PD Genc Pollo. Qytetari sjell raste konkrete se si ai ka shkatërruar Partinë Demokratike në Kavajë, me emërimet dhe influencat e tij personale.

Qytetari nënvizon faktin se menjëherë pas fitores së të djathtës më 3 korrik 2005 në Drejtorinë e Arsimit të Kavajës u emërua Artan Limani, propozim ky i ardhur nga Partia e Genc Pollos. Një emërim i berë në mënyrë të njëanshme nga Pollo pasi partia e tij kishte vetëm 6 drejtorë arsimi në të gjithë vendin për shkak të marrëveshjes politike ku Kavaja nuk përfshihej. Genc Pollo kërkonte që sekseri i tij të ishte me cdo kusht në krye të arsimit në kavajë.

?Më tej, letra vijon se pas skandaleve me emërime me ryshfete dhe para nën dorë, duke emëruar persona të paaftë nga antari i PD por edhe nga arsimtarë, filluan peticione për të shkarkuar Artan Limanin. Kurrë nuk u bë shkarkimi i tij. Dhe kjo, për arsyen se i emëruri në krye të Arsimit në Kavajë , paguante Pollon cdo muaj, pretendon letërshkruesi, i cili thekson se pagesa bëhej me lekët që merrte nga emërimet e mësuesve në Kavajë dhe fshatrat përreth.

Njerzitë e Pollos aleatët e Elvis Rroshit në 2011

Qytetari hedh dritë edhe mbi një fakt tjetër mjaft të rëndësishëm, se Genc Pollo dhe sekseri i tij në krye të arsimit në Kavajë, kanë bashkëpunuar me Elvis Rroshin në zgjedhjet lokale të vitit 2001.

Sipas tij, Pollo dhe Alimani kanë bashkëpunuar me Engjëll Carën në zgjedhjet e vitit 2011 kundër PD dhe kandidatit të djathtë, duke e nxjerr humbës me 70 % të votave. Në letër theksohet fakti se ish shefi i Policisë së Kavajës, Selman Tema është kërcënuar atë vit të bënte fushatë për Elvin Rroshin.

Më tej nënvizohet se edhe kryetari i Komisionit Zgjedhor që vinte nga rradhët e PD, pas fitores së Rroshit u punësua në Bashkinë e Kavajës, nga ky I fundit. Pra një skenar ku Njerzit e Pollos dhe Engjëll Cara me klanin e tij luftonin kundër PD-së dhe bënin pazare me Roshin. Rivaliteti dhe gara e zgjedhjeve të vitit 2015 tregoi falcitetin e Carës dhe njerzve të Pollos që i vunë flakën PD-së në Kavajë.

Më tej, thuhet se megjithë këmbënguljen e Pollos për të vendosur, ish kreun e arsimit Artan Limanin, në krye të degës së PD në Kavajë, Sali Berisha nuk e aprovoi këtë emër.

Qytetari shkruan më tej , se pas disa vitesh si drejtor Arsimi në Kavajë, Artan Limani i?u bashkua strukturave të LSI dhe u kthye përsëri në PD.

Rezultati i Zgjedhjeve në Kavajë

Në vitin 2014 zgjidhet kreu i PD në Kavajë, Engjëll Cara me një garë false dhe vota të blera, me mbështetjen e Pollos dhe Limanit. Sipas qytetarit, në zgjedhjet për kreun e degës së PD, ndodhi një përleshje e madhe mes antëtrave të PD por që u mbajt e fshehtë.

Në letër sqarohet edhe mbështetja e Carës ndër vite për parti politike të ndryshme, në vitin 2003 doli kundër PD dhe mbështeti LZHK, në 2011 mbështeti Elvis Rroshin dhe në vitin 2013 shkoi me PDIU.

Në letër është zhvilluar edhe një analizë sa i takon humbjes së PD në Kavajë në vitin 2013 dhe sipas tij, Engjëll Cara është shkaku kryesor i kësaj humbje. Qytetari rendit disa shifra, si fakte se nuk humbi PD por servilat e Carës dhe Pollos.

Në vitin 2013, PD mori 2300 vota në Luz, ndërsa Engjëll Cara mori vetëm 1076 vota. Më tej shkruhet se në Sidnej, PD mori 1655 vota, ndërsa Cara 1177 të tilla. Në këshillin Bashkiak, PD mori 7200 vota dhe PS 7900.

Qytetari pretendon se Genc Pollo me njerzitë e tij janë shkaktarët e fundosjes së PD në Kavajë, një bation i së djathtës dhe se Cara është produkt i Bamir Topit. Cara është përgjegjësi kryesor për humbjen e thellë të PD në zgjedhjet e 21 qershorit, që megjithë rezultatet skandaloze, ai vazhdon të jetë në krye të degës së PD në Kavajë.

Për arsye të privatësisë, Citynews nuk po publikon identitetin . Por nëse strukturat e PD, përfshi këtu dhe kreun e saj, Lulzim Basha, Cityneës është i gatshëm për të vënë në dispozicion letrën nga qytetari.