web counter
LEXO PA REKLAMA!

SHKARKO APP

App Store
Google Play

E fundit!

x

Ligji që shkatërron Arsimin e Lartë/ Nga Jorida TABAKU

21 Korrik 2015, 17:40, Aktualitet CNA

U drejtohem sot kolegëve deputetë, si një kolege e dyfishtë, mos i dënoni brezat pasardhës duke mirtuar një ligj i cili do të shkatërrojë nga themelet atë pak demokraci që kemi arritur deri tani. Sot, duhet të ngriheni mbi përcaktimet tuaja partiake. Nuk do ju drejtohesha me këto fjalë nëse realisht edhe unë në vendin tuaj nuk do ta bëja diçka të tillë dje, sot apo edhe nesër.

Por, nëse ju të nderuar kolegë, e keni vendosur tanimë që me verbëri të votoni një ligj që shndërron në një kloun Universitetin Publik, një ligj që e trajton si të njerkës Universitetin Publik. Nëse ju keni vendosur që të votoni një projektligj që shkatërron lirinë akademike, që e vendos nën thundrën qeveritare atë, që cënon haptazi të drejtën kushtetuese; një ligj që penalizon mobilitetin e studentëve, që nuk ofron mundësi të barabarta por dënon të pamundurit me një borxh që do duhen breza për ta paguar; që e trajton arsimin publik si një mall tregu të dorës së dytë dhe jo si një vlerë për shoqërinë tonë, këto janë arsye përse dje dhe sot jam në krah të studentëve dhe pedagogëve.

Përpara se ta mbyll dua t?ju kujtoj se ajo që nuk duhet të harroni është se përballë, si kundërshtarë këtij projektligji, nuk keni vetëm një opozitë partiake që mund ta mposhtni edhe me dhunën e kartonëve. Përballë, keni 140 pedagogë dhe po ashtu keni me qindra mijëra pedagogë dhe studentë të tjerë që pas kësaj seance do t?i gjeni në hyrje të kësaj salle duke iu kërkuar llogari për arbitraritetin, për verbërinë tuaj dhe mbi të gjitha për guximin që keni patur për të fundosur me votat tuaja Universitetin Publik.





Lajmet e fundit nga