web counter
LEXO PA REKLAMA!

SHKARKO APP

App Store
Google Play

LSI kundër kapitullit 12 të ligjit për arsimin e lartë

21 Korrik 2015, 07:35, Aktualitet CNA

Lëvizja Socialiste për Integrim kundërshton kapitullin 12 të projektligjit për arsimin e lartë, kapitull i cili barazon universitetet private me universitetet publike, duke parashikuar financim në bazë të performancës. Pas kundërshtisë së madhe të pedagogëve dhe kërkesë së tyre për ta hequr këtë kapitull, edhe aleatja kryesore e Partisë Socialiste nuk pajtohet aspak me të.

Qëndrimi është artikuluar dje nga kryetari i grupit parlamentar të LSI, Petrit Vasili, i cili doli kundër krijimit të universiteteve publike të pavarura. Gjatë diskutimit dje të ligjit për arsimin e lartë në Komisionin parlamentar për Çështjet Sociale dhe Shëndetësinë, Vasili deklaroi para ministres Lindita Nikolla se nuk i duhen Shqipërisë të tilla universitete. Sipas tij, është ende herët që në Shqipëri të futet një lloj i tretë institucioni. ?Do ishim më të qetë nëse do të kishim vetëm dy kategori institucionesh: Publike dhe jo publike.

Kreu i 12 për institucione e arsimit të lartë publike të pavarura është një term që shton konfuzionin, një term që opinioni publik as e ka absorbuar, dhe as do e absorbojë dot në kohë. Në mënyrë jo të drejtpërdrejtë mund të nxisë dhe mjaft debate sporadike, por në tërësinë e vet nuk shton asnjë element në qartësinë e kësaj ngrehine që duam të ndërtojmë përveç se shton paqartësi?, deklaroi Vasili dje në mbledhjen e komisionit, ku ishte e pranishme ministrja e Arsimit, Lindita Nikolla, për të prezantuar draftin. Për të gjitha këto pretendime, LSI do të paraqesë sot amendamente në seancë plenare. Nëse amendamentet nuk do të merren parasysh, LSI mund të votojë kundra/ Sot





Lajmet e fundit nga