web counter
LEXO PA REKLAMA!

SHKARKO APP

App Store
Google Play

E fundit!

x

Policia: Ja emrat dhe CV e anëtarëve te bandës së drejtuar nga Admir Tafilaj

15 Korrik 2015, 16:06, Kronika CNA

Policia e Tiranës ka zbuluar sot emrat e anëtarëve të grupit të Admir Tafilaj, të njohur si grupi i vrasësve me pagesë Deri më tani 9 persona janë arrestuar dhe 4 të tjerë janë në kërkim. Më 11 shkurt të këtij viti është arrestuar Alfred Qefalia dhe më 15 shkurt ka rënë në pranga Kristi Pine, si i dyshuar për disa vepra penale të ndodhura në disa qytete të Shqipërisë. Policia e Tiranës ka dokumentuar veprimtarinë kriminale të 10 personave të implikuar, nga të cilët janë arrestuar 8 prej tyre, janë shpallur në kërkim 2 si dhe vazhdon puna për dokumentimin e veprimtarisë për 3 persona të tjerë. Në përfundim të hetimeve rezulton e provuar se me porosi të shtetasit Admir Tafilaj më 25 qershor 2014 është kryer vrasja e Brahim Mani në Shkodër nga Kristi Pine. Gjatë nëntorit të vitit 2014 Kristi Pine ka marrë porosi nga Admir Tafilaj për të vrarë Leonard Murataj, kundrejt një shume prej 50.000 euro. Leonard Murataj është ekzekutuar më pas nga persona të tjerë në qytetin e Durrësit.  Më datë 4 shtator 2014, me porosi të Adrian (Isuf) Uzuni, Kristi Pine dhe Alfred Qefalia kanë tentuar të vrasin me armë zjarri Edmond Çakmashi. Më datë 4 dhjetor 2014 nga Fatos Koka i është dhënë porosi Kristi Pine për të vrarë M. L. për shkak të një konflikti pronësie të ndodhur në vitin 2010 në qytetin e Tiranës midis M. L. dhe fisit Koka. Gjatë hetimeve paraprake janë arrestuar Kristi Pine, Alfred Qefalia, Aleksandër Gora, Dhimitër Zito, Admir Tafilaj, Elson Merdani, Ardian Uzuni, Albano Beqiraj, Fatos Koka, si dhe po punohet për kapjen e  Dritan Peksani. Vazhdon puna në bashkëpumin dhe me Prokurorinë për Krime të Rënda Tiranë, për kapjen e tre anëtarëve të tjerë të dyshuar të këtij grupi kriminal. Ata janë shtetasit me inicialet J.G., K.XH. dhe F.G





Lajmet e fundit nga