web counter
LEXO PA REKLAMA!

SHKARKO APP

App Store
Google Play

E fundit!

x

Shulc takon Nishanin: PE pret nga Shqiperia perparim ne vendosjen e shtetit ligjor

13 Korrik 2015, 14:14, Politikë CNA

Ndërtimi i demokracisë dhe ripajtimi janë dy mesazhet e Presidentit të Parlamentit Europian, Martin Shultz. Ai u takua me kreun e shtetit Bujar Nishani, ku dhe vlerësoi arritjet e Shqipërisë në rrugën e integrimit europian.

Schulz tha se në rrafshin e brendshëm pret që Shqipëria të shënojë përparim në vendosjen e shtetit ligjor, në të gjithë elementët e tij, përfshirë reformimin e thellë të sistemit të drejtësisë, si dhe në vendosjen e kulture evropiane të dialogut politik.

Në kontekstin rajonal Shqipëria vazhdon të luajë një rol shumë pozitiv për ndërtimin e një dialogu konstruktiv e ripajtues. Këto dy elementë do të rrisin besueshmërinë dhe rolin e Shqipërisë si në rajon ashtu edhe në raport me Bashkimin Evropian, dhe Shqipëria ka një potencial të shkëlqyer për ta arritur këtë.

Presidenti Nishani nga ana e tij shprehu angazhimin për realizimin e reformës në drejtësi. Ai siguroi edhe një herë për të gjithë angazhimin e tij personal për t?u fokusuar në axhendën integruese në përgjigje edhe të pritshmërive të mëdha që kanë qytetarët shqiptarë ndaj këtij procesi.

Njëkohësisht Kreu i Shtetit shqiptar siguroi se Shqipëria do të mbetet një partner i besueshëm i Bashkimit Evropian dhe do të vijojë të bashkërendojë politikat e sigurisë me ato të Bashkimit Evropian.





Lajmet e fundit nga