web counter
LEXO PA REKLAMA!

SHKARKO APP

App Store
Google Play

E fundit!

x

Rama-Meta festojnë fitoren e 21 Qershorit, të ftuar Nano, senatorët dhe aleatët

28 Qershor 2015, 05:49, Aktualitet CNA

Gjithçka po shkon sipas planeve dhe parashikimeve në kampin e pushtetit. Ashtu siç kishte paralajmëruar, kryeministri Edi Rama do të festojnë 24-vjetorin e themelimit të Partisë Socialiste, së bashku me fitoren historike në zgjedhjet e 21 Qershorit, ku e majta fitoi 46 bashki, nga 61 të tilla, si dhe dominoi 98 % të këshillave bashkiakë. Ndërsa në kampin opozitar ka pllakosur heshtja e humbjes, në kampin e mazhorancës ka nisur përgatitja për festën e fitores.

Me miratimin e kryeministrit Edi Rama, ditën e hënë, në orën 19:00, tek Teatri Kombëtar, PS do festojë 24-vjetorin e themelimit si dhe fitoren e zgjedhjeve të 21 Qershorit. Burime pranë organizatorëve kanë konfirmuar se të ftuar do të jenë ish-kryeministri Fatos Nano dhe liderë historikë të socialistëve, senatorë, deputetë, aleatë, kryetarë degësh, kandidatët e së majtës në zgjedhjet e 21 Qershorit, drejtues fushate, etj. Burimet konfirmuan se ftesa i ka shkuar edhe Fatos Nanos, por nuk dihet nëse ky i fundit të jetë pjesë. Pavarësisht përpjekjeve të Fatos Nanos për të krijuar një parti të re, ku do të merrte me vete shumë deputetë të PS, si të pakënaqur me kryeministrin Edi Rama, ky i fundit ka lënë pas mëritë dhe ka vendosur t?i dërgojë një ftesë edhe liderit historik të së majtës.

Tashmë i mbetet në dorë Nanos nëse do pranojë të festojë 24-vjetorin e themelimit të PS, në krah të kryeministrit Rama, deputetëve dhe figura të tjera të vjetra të së majtës shqiptare. Ndërkaq, një vend të veçantë në këtë ceremoni do të ketë edhe Ilir Meta, aleati kryesor i socialistëve në qeverisje dhe në dy palë zgjedhje. Sipas burimeve, kryeministri Rama do të mbajë një fjalim para të pranishmëve për 24-vjetorin e themelimit dhe do t?u urojë fitoren e PS dhe koalicionit të majtë në zgjedhjet e 21 qershorit.

 





Lajmet e fundit nga