web counter
LEXO PA REKLAMA!

SHKARKO APP

App Store
Google Play

E fundit!

x

Arjan Dyrmishi: Lazarati kërcënim për sigurinë kombëtare, policia përdori metoda jugosllave

27 Qershor 2015, 11:25, Politikë CNA

Eksperti për Çështjet e Sigurisë Kombëtare, Arjan Dyrmishi, ka komentuar ngjarjen e fundit në Lazarat, ku mbeti i vrarë polici i forcave të RENEA-s. Eksperti Arjan Dyrmishi, duke analizuar sulmin ndaj efektivit të RENEA-s, deklaron se kjo ngjarje është një akt kriminal dhe nuk ka lidhje me radikalizmin islamik. Si Ekspert i Çështjeve të Sigurisë, Dyrmishi paralajmëron se kjo ngjarje vë në rrezik sigurinë e vendit, pasi lazaratasit janë njerëz solidarë me njëri-tjetrin dhe gjithmonë do gjejnë mundësinë për të dalë kundër ligjit dhe policisë.

Por, Dyrmishi vë në dukje se policia po zbaton një strategji shumë difektoze dhe po tregohet e dobët dhe aspak profesionale për të ndalur akte të tilla kriminale në fshatin Lazarat, atje ku banorët janë solidarë me njëri-tjetrin.   Ai hedh poshtë aludimet e disa zërave se ngjarja ka të bëjë me ISIS, duke u shprehur se në të gjithë botën vriten policë nga dora e kriminelëve, siç është rasti konkret. ?Ndodh shpesh që pas një ngjarje të dalin të gjitha me deklarata, edhe individë që nuk kanë asnjë lloj lidhje me ngjarjen. Më duket një padrejtësi kakofonie! Ngjarja në Lazarat është një ngjarje kriminale. Sa policë vriten nga kriminelë në Itali apo në ndonjë shtet tjetër, do të thotë se këta kriminelë kanë lidhje me ISIS?! Duhet një disiplinë kur të kategorizohen gjërat.

Policë vriten gjithmonë?, u shpreh Arjan Dyrmishi. Madje, ai theksoi se anëtarët e ISIS, aktet kriminale i bëjnë shumë të dukshme, duke lënë dhe mesazhe të qarta. ?Lazarati ka qenë gjithmonë një fshat në avangardë, ku banorët e tij kanë gjetur gjithmonë mundësitë për veten e tyre. Nuk shoh atë që ky akt është i organizuar nga ISIS. ISIS i bën të dukshme ngjarjet, jo t?i fshehë mbrapa ferrave, madje dërgon edhe mesazhe?, u shpreh Dyrmishi.





Lajmet e fundit nga