web counter
LEXO PA REKLAMA!

SHKARKO APP

App Store
Google Play

E fundit!

x

Dule kundër Koços, mbështet kandidatët e PD-së në jug

20 Qershor 2015, 08:30, Politikë CNA

Dy dite para zgjedhjeve duket se është lidhur një marrëveshje e heshtur mes Partisë Demokratike dhe Partisë Bashkimi për të Drejtat e Njeriut. Kjo të paktën ka vlerë për disa bashki në jug të vendit, ku influenca e deputetit Koço Kokëdhima është shumë e madhe. Pas dorëheqjes së kandidatit të PD në Finiq, për arsye familjare siç ka bërë të ditur ai, PDBNJ e Vangjel Dules ka reaguar me një deklaratë për shtyp, ku shpreh mbështetje për kandidatin e PD-së në Sarandë, Kreshnik Bozho.

Pra, PD i hap rrugë Dules në Finiq, në këmbim të mbështetjes së tij një bashki më të madhe si e Sarandës. Ky vendim i Dules është direkt kundër Koço Kokëdhimës, i cili i ka vendosur vetë të gjitha kandidaturat në bashkitë e jugut. Edhe publikisht Dule e Kokëdhima kanë shkëmbyer replika sidomos për çështjen e ndarjes territoriale në Himarë. Nuk dihet nëse PD i japë mbështetje kandidatit të Dules në Himarë, Fredi Beleri. Nga ana tjetër Dule ka dalë në mbështetje edhe të kandidatit të PD-së në Gjirokastër, Igli Kokalari. Një natë më parë ai është takuar më përfaqësues të PD-së në Gjirokastër dhe me vetë kandidatin e opozitës. Këto lëvizje të kreut të PBDNJ tregojnë një përshkallëzim të qasjes së tij ndaj mazhorancës. Ai nuk hyri në koalicion me Ramën dhe më pas u dorëhoq nga posti i nënkryetarit të Kuvendit, pas zgjedhjes së Idrizit në po të njëjtën detyrë. Lapsi.al





Lajmet e fundit nga