web counter
LEXO PA REKLAMA!

SHKARKO APP

App Store
Google Play

E fundit!

x

PD në Devoll akuza kandidatit të majtë: Ka tërhequr dje 50 mijë euro

19 Qershor 2015, 13:05, Politikë CNA

Partia Demokratike në Devoll ka akuzuar kandidatin e majtë për këtë Bashki, Arben Qaja, se ka tërhequr ditën e djeshme një shumë parash prej 50 mijë eurosh.   Në lidhje me tërheqjen e këtyre parave, PD ka kërkuar që Prokuroria të nisë hetimet, pasi ato sipas kësaj force politike mund të përdoren për blerjen e votave.

“Kandidati i së majtës në Devoll Beni apo Kosta, ka tërhequr ditën e djeshme 50 mijë euro në një bankë të nivelit të dytë. Për çfarë arsye është tërhequr  kjo shumë e madhe parash në prag të zgjedhjeve nga kandidati i majtë? Tërheqja e një shume kaq të madhe parash vetëm dy ditë para zgjedhjeve bëhet qartësisht për të blerë vota. Ftojmë prokurorinë të nisë menjëherë hetimet  në lidhje me destinacionin e këtyre parave të tërhequra dy ditë para zgjedhjeve. Kandidati famëkeq  Kosta-Beni-Qaja i njohur për punën e tij në Luginën famëkeqe të refugjatëve të cilën e shndërroi nga një rrugë dhish në një autostradë të krimit, prostitucionit, të trafikimit të veprave të artit, të drogës nuk mund ta blejë popullin e Devollit. Devolli e ka vendosur t?i bindet thirrjes së SHBA-së dhe BE-së të mos i japë asnjë votë kriminelëve. Devolli do të votojë njeriun e punës do të votojë për punë dhe dinjitet”, thuhej në deklaratën e PD.





Lajmet e fundit nga