web counter
LEXO PA REKLAMA!

SHKARKO APP

App Store
Google Play

E fundit!

x

PD mbyll fushaten në Durrës/ Basha: Grida eshte ndryshimi, punesimi dhe zhvillimi

18 Qershor 2015, 19:19, Aktualitet CNA

Partia Demokratike zhvilloi mitingun përmbyllës të fushatës elektorale për Durrësin, ku kryetari Lulzim Basha akuzoi mazhorancën për rritje të taksave e papunësisë në vend.

Qytetarët, tha Basha, po largohen nga Durrësi njësoj si 23 vite më parë për shkak të korrupsionit, të oligarkisë së dyshes Rama-Meta dhe shërbëtorit të tyre në Durrës, Vangjush Dako.

Sipas Bashës, qeveria nuk ka bërë asgjë për të lehtësuar banorët e Durrësit e Shijakut, përkundrazi çdo ditë ua bën jetën më të vështirë e më të pamundur kryefamiljarëve e të ardhmen edhe më të pasigurtë rinisë durrsake. ?2 vjet pasi erdhën në pushtet shqiptarët kanë më pak vende pune, jetojnë më keq, ndërsa kanë taksat më të larta?, u shpreh Basha.

Dyshja Rama-Meta, tha Basha, nuk e shohin të vërtetën në sy, por shtoi ai, ne kemi ofertën tonë për uljen e taksave, për uljen e çmimit të energjisë, për heqjen e TVSH-së për bukën për faljen e kamatvonesave të faturave të energjisë. Basha ftoi qytetarët e Durrësit të votojnë Grida Dumën pasi tha ai, Duma do të punojë e luftojë bashkë me ju për rritjen e mirëqënies suaj.

Ndërsa kandidatja e Aleancës për Punë e Dinjitet, Grida Duma tha se si kryebashkiake do të mbrojë çdo qytetar në bashkinë e madhe dhe do të luftojë varfërinë duke hapur vende të reja pune. Ajo u shpreh se bashkë do të rregullojmë jetën në komunitet me shkolla dhe hapësira publike më të mira.





Lajmet e fundit nga