E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Pse dhe si duhet të ushtroni gjatë shtatzënisë

13 Qershor 2015, 11:00, Lifestyle CNA

Frika e shtimit të peshës, frika e celulitit apo e humbjes së formave gjatë shtatzënisë është ajo që na ndjek për 9 muaj dhe për shumë muaj apo vite pas shtatzënisë. Sporti gjatë shtatzënisë është një angazhim i mirë për të shmangur frikën e rreme dhe të ndjeheni mirë në lidhje me vetën.

Rregulli nr 1, është shumë i thjeshtë, nëse jeni marrë me sport para shtatzënisë, është mirë që të vazhdoni të merreni me të edhe gjatë shtatzënisë.

Në tre muajt e parë moderoni frekuencën dhe intensitetin e sportit, pasi këto janë tre muajt më delikatë për ju dhe fëmijën tuaj, janë muajt kur abortet spontane kanë predispozitë më të madhe të ndodhin. Në të kundërt nëse nuk merrni me sport, shtatzënia është rasti më i mirë që të filloni të merreni me ndonjë lloj sporti, duke shmangur sportet që janë shumë intensive apo që kërkojnë shumë sforcim, si psh: futbolli, peshë ngritja apo artet marciale. Ndër sportet më të rekomanduara gjatë shtatzënisë janë: noti, yoga dhe ecja.

Në periudha të ndryshme të shtatzënisë trupi ka nevojë për gjëra të ndryshme: Në tremujorin e parë trupi duhet të përshtatet me ndryshimet hormonale dhe fizike, lodhja është rëndi i ditës. Bëni joga, do t?ju ndihmojë të relaksoheni, të mbani artikulacionet elastike dhe muskujt tonik.

Në tremujorin e dytë barku do të rritet por çuditërisht ju do të ndjeheni më energjike dhe të forta. Mund të notoni dhe uji do t?iu ndihmojë të ndjeheni më të lehta, përmirëson qarkullimin tek këmbët, duke shmangur kështu ënjtjen e tyre. Nëse është verë zgjidhni të ecni 30-40 minuta tre herë në javë, ndërsa në dimër zgjidhni kohën kur është më pak ftohtë dhe bëni një ecje me një ritëm të shpejtë për 15 minuta.

Në tremujorin e tretë do jetë gjithmonë dhe më e vështirë për të lëvizur, barku do të peshojë më shumë, sidomos gjatë natës. Noti këshillohet edhe me bark të madh, do t?ju ndihmojë të jeni në formë. Gjithashtu edhe yoga këshillohet dhe ushtrimet e frymëmarrjes.

Të gjitha këto këshilla janë të mira për ata që përballen me një shtatëzani normale, pa ndonjë problem, përndryshe ju do të këshilloheni me mjekun tuaj dhe le t?ju këshillojë mbi llojin e aktivitetit fizik të rekomanduar për gjendjen tuaj.