web counter
LEXO PA REKLAMA!

SHKARKO APP

App Store
Google Play

12 Qershori, Dita e Paqes, e shenuar edhe per historine e Kosoves

12 Qershor 2015, 14:29, Kosova & Bota CNA

“Sot shënojmë një ditë të veçantë të historisë së Kosovës të krijuar me sakrificën sublime të popullit dhe me shpirtin e madh e human të botës së përparuar, që parandaloi një epokë të rëndë të gjenocidit e të përhumbjes dhe që riktheu forcën e shpresës.

Sot, kur janë mbushur 16 vjet prej një fillimi të ri të Kosovës dhe popullit të saj, në çdo cep të vendit, kujtojmë punën, angazhimin dhe vizionin e të gjithëve për lirinë e vendit.

Kjo është historia e dhimbshme por krenare e Kosovës, që rilindi 16 vjet më parë me ndihmën e botës së përparuar, që humanizmin e shndërroi në vlerën më të lartë të shoqërisë demokratike, duke parandaluar të keqen dhe duke ndihmuar ndërtimin e një shteti të qytetarëve të barabartë.

Në këtë Ditë të Paqes, kur po shërojmë ende plagët e një të kaluare të rëndë, të një historie të dhunshme që kërkon drejtësi dhe në këtë kohë feste, ne rikujtojmë premtimin e dhënë për ta bërë një Kosovë të zhvilluar e demokratike, ku secili do të ndjejë përgjegjësi dhe obligime për ta ndërtuar një të ardhme më ndryshe, tha ndër të tjera Jahjaga në këtë deklaratë”, tha Jahjaga.

 





Lajmet e fundit nga