web counter
LEXO PA REKLAMA!

SHKARKO APP

App Store
Google Play

Brukseli thirrje Prishtines: Themeloni Gjykaten Speciale sa me shpejt

11 Qershor 2015, 16:23, Kosova & Bota CNA

Zyrtarët në Bruksel, rikujtojnë se Kuvendi i Kosovës, qysh në prill të vitit të kaluar ka ratifikuar marrëveshjen e arritur përmes letërkëmbimit të presidentes së Kosovës, Atifete Jahjaga dhe ish-shefes së diplomacisë evropiane, Catherine Ashton për themelimin e kësaj gjykate.

Maja Kocijançiq, zëdhënëse e Përfaqësueses për Politikë të Jashtme të Bashkimit Evropian, Federica Mogherini, ka thënë për Radion Evropa e Lirë se Kosova është zotuar me anë të këtij letërkëmbimi se do të themelojë dhomat e specializuara për rastet e dyshuara për krime lufte.

Ndërkohë që Bashkimi Evropian, sipas saj, u ka ofruar autoriteteve të Kosovës gjithë ndihmën e nevojshme për miratimin e amandamenteve kushtetuese dhe legjislacionit përkatës.

“Është në kompetencë të Kuvendit të Kosovës që të caktojë seancën plenare për themelimin e dhomave të specializuara në mënyrë që të mos ketë vonesa tjera në këtë çështje”, ka thënë Kocijançiq.

Edhe Zyra e Përfaqësuesit të Posaçëm të Bashkimit Evropian në Kosovë, Samuel Zbogar, ka dhënë një përgjigje për Radion Evropa e Lirë në lidhje me Projektligjin për Gjykatën Speciale.

“Bashkimi Evropian i ka bërë të gjitha sqarimet e nevojshme në lidhje me projekt-ligjin te pala e Kosovës. Ne mendojmë se tani çdo gjë është e gatshme për miratimin e amendamenteve kushtetuese dhe ligjit?, ka thënë zëdhënësi Stojan Pelko.

 





Lajmet e fundit nga