web counter
LEXO PA REKLAMA!

SHKARKO APP

App Store
Google Play

E fundit!

x

Zhvillohen krahë avioni të vetëriparueshëm

11 Qershor 2015, 06:33, Kuriozitete CNA

Një grup shkencëtarësh nga Universiteti Bristol zhvilluan materialin me aftësi të riparimit vetvetiu. Shkencëtarët britanikë, kanë prodhuar krahë të avionit që mund të riparojë veten në fluturim pas një dëmtimi. Sipas lajmit të gazetës ?Independent?, një grup shkencëtarësh nga Universiteti Bristol duke përdorur materiale fibër karboni të përbërë bënë krahë avioni që mund të riparojë veten gjatë fluturimit. Profesor Duncan Wass, nga ekipi studiues tha se në punimet e kryera me inxhinierët e aeronautikës në universitet kanë bërë studime për të gjetur mënyrën e parandalimit të krisjeve të vogla që mund të shkaktohen gjatë udhëtimit në krahët dhe trupin e avionit. Falë teknologjisë së zhvilluar nga ekipi, materialit të karbonit që përdoret në krahët e avionit i shtohen mikrosfera në madhësinë mikriskopike. Këto mikrosfera në rast të kontaktit me një objekt të ngurtë lëshojnë një lëng riparues. Lëngu riparues depërton në krisjet mbi sipërfaqet e dëmtuara dhe forcohet duke hyrë në një reaksion kimik. Materiali i ngurtësuar kështu forcohet edhe më tej ashtu si më parë. Wass ka theksuar se duke zhvilluar këtë teknologji ata janë frymëzuar nga lëkura e njeriut e cila ka aftësi të riparimit. Wass gjithashtu ka vënë në dukje se koha e riparimit ndryshon sipas temperaturës së kohës, ndërsa thekson se sa më shumë të rritet temperatura aq më shumë shkurtohet kjo kohë. Pritet që kjo teknologji të përdoret edhe në ekranet e krisur të celularëve, dhe të biçikletave të performancave të larta. Zbulimi i parë që ka mundësuar këtë teknologji është zbuluar në vitin 2001 me një plastikë e cila riparohej vetvetiu. Po i njëjti ekip vitin e kaluar prodhoi polimere që mund të plotësonte boshllëqet deri në tre centimetra.

 





Lajmet e fundit nga