E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Polica: Ja si dhe pse u arrestua gjykatesja ne Lezhe

11 Qershor 2015, 20:24, Kronika CNA

Në kuadër të Procedimit Penal Nr.170 të vitit 2015 , Specialistët e Sektorit për Korrupsionin në Drejtorinë e Përgjithshme të Policisë së Shtetit, në bashkëpunim me Forcën e posaçme Operacionale të Drejtorisë së Policisë së Shtetit bënë arrestimin në flagrancë të shtetasve :

Parashqevi Ademi, 55 vjeçe, banuese në Shëngjin-Lezhë, me detyrë gjyqtare në Gjykatën e Shkallës së Parë Lezhë, e cila u arrestua për veprën penale të “Korrupsionit pasiv të gjyqtarëve, prokurorëve dhe funksionarëve të tjerë të drejtësisë”, parashikuar nga neni 319/ç i K.Penal.

Gjovalin Ndokaj, 49 vjeç, banues në Lezhë, me profesion avokat pranë Dhomës së Avokatisë Lezhë, i cili u arrestua për veprën penale “Korrupsion aktiv i gjyqtareve, prokuroreve dhe funksionareve të tjerë te drejtësisë” kryer në bashkëpunim, parashikuar nga neni 319/c-25 i K.Penal.

Arrestimi i këtyre shtetasve u bë si rezultat i hetimeve të kryera nga Sektori për Korrupsionin në Drejtorinë e Përgjithshme të Policisë së Shtetit në bashkëpunim me Prokurorinë për Krime të Rënda Tiranë, ku ka rezultuar se:

Shtetasi Gjovalin Ndokaj me detyrë avokat pranë Dhomës së Avokatisë Lezhë u kap në flagrancë duke i marrë shtetasit A. P. shumën prej 200.000 lekë të reja nga të cilat 150.000 lekë të reja i ka mbajtur për vete dhe 50.000 lekë të reja ja ka dhënë gjyqtares Parashqevi Ademi, me profesion gjyqtare pranë Gjykatës së Shkallës së Parë Lezhë.

Gjatë kontrollit personal të ushtruar shtetasit Gjovalin Ndokaj, iu gjetën dhe u sekuestruan në cilësinë e provës materiale sasia prej 150.000 lekësh të reja.

Materialet proçeduriale iu kaluan Prokurorisë për Krime të Rënda Tiranë, në ngarkim të shtetasve Parashqevi Ademi dhe Gjovalin Ndokaj, për veprat penale të “Korrupsionit pasiv të gjyqtarëve, prokurorëve dhe funksionarëve të tjerë të drejtësisë” dhe “Korrupsionit aktiv të gjyqtarëve, prokurorëve dhe funksionarëve të tjerë të drejtësisë” kryer në bashkëpunim, parashikuar nga nenet 319/ç dhe 319/c-25 të K.Penal.