web counter
LEXO PA REKLAMA!

SHKARKO APP

App Store
Google Play

Islami kërkon hetim për Ramën, si në Rumani: Ata janë në drejtimin e duhur!

5 Qershor 2015, 16:31, Aktualitet CNA

Deputeti Kastriot Islami duke iu referuar hetimit në Rumani të kryeministrit Ponta, thotë se shumë shpejt do të vijë dita edhe në Shqipëri që të hetohet Edi Rama. Më poshtë shënimi i Islamit, i cili replikoi edhe një ditë më parë në Kuvend me kryeministrin Rama:

Miku i ngushtë i Ramës, kryeministri rumun Ponta, nën hetim për ?pastrim parash dhe evazion? kur ka qenë avokat; Presidenti i Rumanisë me origjinë gjermane i kërkon dorëheqjen. Shpresoj shumë që kjo të fillojë të vijë edhe në Shqiperi. Sepse para dy ditësh, një gjeorgjian me emrin Dzanashvili, i arrestuar në Rumani për prostitucion, akuzohet në Shqiperi për pastrim parash?

Por më e rënda është se Zyra e Avokatisë (njëlloj si ajo e rumunit Ponta) e drejtuar nga dy bashkëpunëtorë të Erion Veliajt dhe me ?fuqi të përfaqësueses ligjore? të shoqen e Erion Veliajt, është ajo që ka kryer transaksionet, për të cilat dyshohet biznesmeni gjeorgjian.

Dhe akoma më e rëndë është se ndryshe nga çfarë ndodh në Rumani, Edi Rama jo vetëm e mbron kandidatin e tij për Kryetar Bashkie, Erion Veliaj, por jep urdhër që asnjë media të mos e japë këtë lajm.

Drejtimi i duhur është pikërisht ajo që ndodh në Rumani, kurse Rama është duke shkuar në drejtimin e kundërt?

Shumë shpejt do të vijë kjo ditë në Shqipëri. Është Koha e Duhur për të dhënë Goditjen e Duhur.





Lajmet e fundit nga