web counter
LEXO PA REKLAMA!

SHKARKO APP

App Store
Google Play

Biznesmeni izraelit Amiran Dzanashvilli flet për Top Channel: Takimet me Shkelzen Berishen dhe njohja me Ajola Xoxen

5 Qershor 2015, 16:41, Aktualitet CNA

Biznesmeni izraelit, Amiran Dzanashvilli, i vendosur në qendër të ciklonit politik të opozitës, për herë të parë në një intervistë për Top Channel sqaron të gjitha akuzat e ngritura, e në mënyrë të veçantë ato që lidhen me pastrimin e parave.

Nga Londra, ku ndodhet prej disa ditësh për arsye biznesi, 47-vjeçari flet me detaje për lidhjet e tij me politikanët shqiptarë.

Ai tregon se ka zhvilluar edhe disa takime me Shkëlzen Berishën në kohën kur Sali Berisha ishte kryeministër, si dhe i quan qesharake akuzat se ka paguar 2 milionë euro për fushatën elektorale të socialistëve në 2013-n. Dzanashvilli deklaron se ai asnjëherë deri më tani nuk është kontaktuar nga Prokuroria, e cila ka nisur një hetim për pastrim parash por është i gatshëm të bashkëpunojë me të në çdo kohë.

Cila është e vërteta sipas Amiran Dzanashvillit për Ajola Xoxën, bashkëshorten e kandidatit Erion Veliaj, e cila është akuzuar nga opozita si pjesë e mekanizmit të pastrimit të parave?

Kjo pyetje edhe shumë të tjera marrin përgjigje në një intervistë të gjatë nga Amiran Dzanashvilli dhënë nepërmjet ?Skype?, gazetarit Muhamed Veliu. Intervistën e plotë ju ftojmë ta ndiqni në edicionin qëndror të lajmeve, në orën 19:30.

/ Top Channel





Lajmet e fundit nga