web counter
LEXO PA REKLAMA!

SHKARKO APP

E fundit!

x

Lirohen dy djemtë e Rrapush Xhaferrit, dënimi i tyre është shuar që në muajin Shkurt

2 Qershor 2015, 07:17, Kronika CNA

Gjykata e Tiranës vendosi ditën e djeshme lirimin e dy djemve të Rrapush Xhaferrit, Pëllumb dhe Përparim Xhaferri. Vendimi për lirimin e tyre është marrë nga gjyqtari Besnik Hoxha, i cili ka arsyetuar se djemtë që prej muajit janar 2015, dënimi i dhënë për ta prej 10 vitesh burg ishte shuar dhe gjykimi që kishte filluar që prej muajit shkurt të këtij viti, përfundoi dje.

Pëllumb dhe Përparim Xhaferri u arrestuan në banesat e tyre më 21 maj nga efektivët e komisariatit numër 2, në kryeqytet. Sipas policisë, Pëllumb Xhaferri kërkohej prej 19 vitesh, pasi ishte dënuar me 10 vite burg nga Gjykata e Tiranës nën akuzë për ?Vjedhje me mashtrim në shuma të mëdha?, dhe ?Krijim të firmave piramidale?, ndërsa Përparim Xhaferri është i dënuar po për të njëjtën akuzë me 9 vjet heqje lirie.

Në qershor të 2010, gjykata shpalli debitor gjashtë vjet pas vdekjes Rrapush Xhaferin, në shumën e 12 milionë dollarë, dëmshpërblim ndaj qytetarëve të mashtruar. Sipas ligjit, këtë detyrim qindra milionësh duhet ta shlyejnë trashëgimtarët e tij. Të tre djemtë e Rrapush Xhaferrit përfunduan në Gjykatën e Tiranës, pasi ata u dënuan në total me 28 vjet burg, por vetëm vëllai i tyre Asllan Xhaferri kreu dënimin e tij prej gati tetë vitesh.





Lajmet e fundit nga