web counter
LEXO PA REKLAMA!

SHKARKO APP

App Store
Google Play

Ri-freskohen Forcat e Lëvizshme Operacionale të Policisë së Shtetit

1 Qershor 2015, 18:41, Aktualitet CNA

Në ambjetet e Akademisë së Sigurisë është zhvilluar sot ceremonia e çertifikimit të 80  efektivave të rinj të Forcave të Lëvizshme Operacionale, në Policinë e Shtetit.

Në ceremoninë e çertifikimit ka marrë pjesë Drejtori i Policisë së Shtetit Drejtues Madhor Haki Çako,  Drejtori i Përgjithshëm për Sigurinë Drejtues i Lartë  Altin Qato, Drejtori i FLO Drejtues i Parë Niko Brahimaj si dhe përfaqësues të Akademisë së Sigurisë.

Drejtori i Policisë së Shtetit Haki Çako ka vlerësuar seriozitetin e treguar gjatë kryerjes së kursit për Patrullë të Përgjithshme si dhe për rezultatet e larta si në teori ashtu edhe në praktikë.

Më tej Drejtori i Policisë së Shtetit Çako ka theksuar se ?ju jeni pjesë e rëndësishme e strukturave të Policisë së Shtetit dhe në veçanti të Forcave të Lëvizshme Operacionale (FLO). Dijet që keni marrë  këtu, t?i përçoni në strukturat ku do punoni me qëllim ngritjen e profesionalizmit të strukturave, në respekt të plotë të lirive dhe të drejtave themelore të qytetarëve, për një polici profesionale e sa  më afër  qytetarit. Ju uroj suksese dhe jam i bindur se me profesionalizmin tuaj dhe freskinë e moshës do të ndihmoni në përmirësimin e imazhit të Policisë së Shtetit, që të gjithë së bashku po punojmë e përpiqemi ta përmirësojmë dita ditës, kjo edhe si domosdoshmëri e pritshmërisë së qytetarëve për Policinë?.

Në fund janë shpërndarë çertifikatat për 80 ?ish-Komando? të ushtrisë, të cilët janë përzgjedhur me konkurs, konform të gjitha procedurave për pranimin në Policinë e Shtetit, duke kryer kursin e plotë të Patrullës së Përgjithshme.





Lajmet e fundit nga