Rama i ndal fjalën Nikollës, nuk e lejon t’u përgjigjet kritikave të Blushit

30 Maj 2015, 09:38, Politikë CNA

Kryeministri Edi Rama nuk ka lejuar dje ministren e Arsimit, Lindita Nikolla, t?u përgjigjet pyetjeve të gazetarëve sa i takon kritikave të forta të deputetit të Partisë Socialiste, Ben Blushi, për projektligjin për arsimin e parauniversitar. Shefi i qeverisë, Edi Rama, duket se po tenton të shmangë përplasjet e mëtejshme me rivalin e tij në parti, Ben Blushi, i cili ka dija javë që po kritikon qeverinë. Por, veprimi i djeshëm i kryeministrit, nxjerr në pah edhe raportin e tij me ministrat e kabinetit të tij qeveritar. Ka mjaftuar një sinjal, një shenjë e kryeministrit Edi Rama, që ministrja e Arsimit dhe Sportit, Lindita Nikolla, të mbyllte gojën para gazetarëve.

Duke folur nga panairi i punësimit, Rama nuk iu përgjigj interesit të gazetarëve për këtë çështje. Në të njëjtën kohë, ai i tërhoqi vëmendjen edhe ministres Nikolla që as ajo të mos përgjigjej. Dhe ministrja Nikolla e zbatoi porosinë, teksa u largua pa folur për gazetarët.

Aktiviteti

Kryeministri Rama, i shoqëruar nga ministrja e Arsimit, Lindita Nikolla, vizitoi panairin e Profesionistëve ?Go Pro?, ?Edukim, specializim, punësim?, dhe bisedoi me drejtues dhe përfaqësues të kompanive dhe institucioneve arsimore të ekspozuara. Kryeministri u ndal në stendat e disa shkollave të njohura profesionale dhe qendrave të trajnimit, të cilat nga viti në vit kanë rritur performancën e tyre, duke aftësuar të rinjtë në profile të kërkuara më shumë në treg. Drejtuesi i një qendre trajnimi informoi se për shumë të rinj, interesi për një profesion vjen si një mundësi e dytë, pas arsimimit në një degë tjetër. ?Ofrojmë mundësi për të rinjtë, pasi jemi shumë afër problemeve që ka tregu i punës dhe zgjidhjeve të tyre. Aktualisht kemi 80-90 studentë, të cilët pa u diplomuar akoma, janë të punësuar. Ndërsa 15% të tyre e kanë shkollë të dytë?, tha ai.

Ligji për arsimin

Kryeministri theksoi gjithashtu se ligji i ri për arsimin e lartë sjell një transformim rrënjësor në marrëdhëniet mes universiteteve dhe tregut, mes shkollimit dhe rritjes së kapaciteteve profesionale në kohë reale. Ndër të tjera, kryeministri u shpreh se është i rëndësishëm fuqizimi i infrastrukturës së arsimit profesional, duke e parë të lidhur me tregun dhe kompanitë.?Në arsimin e lartë ligji i ri sjell një transformim rrënjësor për sa i përket marrëdhënies mes universiteteve dhe tregut, mes shkollimit dhe rritjes së kapaciteteve profesionale në kohë reale. Jemi të bindur që trendi që ka filluar të kthehet në mënyrë mjaft inkurajuese këtë vit, në një rritje të madhe të interesit për shkollat e arsimit profesional, do të thellohet. Do të fuqizojmë shumë infrastrukturën e arsimit profesional, por gjithmonë, duke e parë të lidhur me tregun dhe kompanitë. 50-60% kohë në shkollë, 40-50% kohë në ndërmarrje gjatë javës, përndryshe është iluzion që kemi profesionistë, sepse praktikisht nuk kemi asgjë, siç ka mbetur një boshllëk shumë i madh në të gjithë këtë periudhë?, tha Rama.