web counter
LEXO PA REKLAMA!

SHKARKO APP

App Store
Google Play

Veliaj ne lagjen e Bashes rendit problemet, premton zgjidhje

29 Maj 2015, 16:03, Politikë CNA

Pas ndalesës në lagjen e rivalit të tij për Bashkinë e Tiranës, kandidati i së majtës Erion Veliaj është ndalur në lagjen ku ka lindur dhe jetuar kryebashkiaku Lulzim Basha. Gjatë takimit me banorët e njësisë 8, Veliaj tha se zona ishte në gjendje më të keqe nga sa ai e mendonte. ?Meqë isha te njësia e Dr. Halimit, të cilën e kanë lënë të shkatërrohet këto 4 vite, isha kurioz për njësinë nr. 8, duke qenë se është njësia e Lulit. Nuk ishte aq keq sa mendoja, por ishte edhe më keq. Ky është turp?, deklaroi Veliaj. Në këtë takim, kandidati i koalicionit të majtë për Bashkinë e Tiranës shtroi pyetjen se kur dikush është i paaftë të rregullojë lagjen e tij, për çfarë u duhen edhe 4 vite të tjera??

Rikonstruksion i shkollave, kopshteve, i terreneve sportive, si dhe ndërtimi i një shkolle të re 9-vjeçare, ishin premtimet e tij , ndërsa shtoi se 4 vitet e fundit ishin të shëmtuara jo vetëm për Tiranën, por ishin zhgënjyese edhe për Njësinë 8, ku ka lindur e jetuar kryebashkiaku aktual i kryeqytetit, Basha.

Veliaj teksa renditi një sërë problematikash të evidentuara në këtë njësi vendore, si infrastruktura e degraduar, mungesa e shkollave e kopshteve, problemet e transportit publik dhe shumë të tjera, solli në vëmendje edhe projekte madhore që kanë të bëjnë me infrastrukturën dhe prekin njësinë 8.

?Projekti i Pazarit të Ri, një zonë e cila prek këtë zonë dhe njësinë nr. 2. Bulevardi i ri është projekti i ynë vizionar që kemi pasur që në 2011, për ta zgjeruar me gjelbërim dhe jo me pallate. Ne do i kthehemi projektit të parë me gjelbërim, jo me pallate. Do të jetë një park qendror në mes të Tiranës?, tha Veliaj.





Lajmet e fundit nga