web counter
LEXO PA REKLAMA!

SHKARKO APP

App Store
Google Play

E fundit!

x

Zyrih, 209 FIFA-s votojne presidentin e ri, Blatter favorit

29 Maj 2015, 15:13, Kosova & Bota CNA

Të 209 anëtarët e Federatës Botërore të Futbollit – FIFA, votojnë sot për presidentin e ri. Në garë janë presidenti aktual, Sepp Blatter, dhe princi i Jordanisë, Ali bin al-Hussein.

Votimi vjen dy ditë pasi shtatë zyrtarë të FIFA-s janë arrestuar në Cyrih, nën akuzat për korrupsion, të ngritura nga Shtetet e Bashkuara.

Prokurorët zviceranë kanë hapur po ashtu hetime për mitmarrje dhe shpëlarje parash, të cilat lidhen me ofertat për organizimin e Kupës së Botës më 2018 në Rusi dhe më 2022 në Katar.

Duke hapur ditën e dytë të Kongresit në Cyrih, Blatter ka thënë sot se FIFA po përballet me ?kohë të trazuara?.

?Nuk mund të lejojmë që reputacioni i futbollit dhe FIFA-s të tërhiqet zvarrë nëpër baltë?, ka thënë Blatter.

?Ata që janë në shënjestër të hetimeve, që po kryhen nga autoritetet amerikane dhe ato zvicerane, nuk përbëjnë gjithë organizatën?, ka shtuar ai.

Blatterit i janë bërë thirrje që të japë dorëheqje, por ai e ka bërë të qartë se nuk është përgjegjës për skandalin dhe se do të luftojë korrupsionin.

Sfiduesi i Blatterit, Princi Ali, thuhet se ka pak gjasa të fitojë garën për president.

Në rrethin e parë, një kandidat duhet të fitojë 140 vota, ose dy të tretat, për t?u shpallur president.

Nëse kjo nuk arrihet, atëherë zhvillohet rrethi i dytë që kërkon shumicën e thjeshtë.

Blatter gëzon mbështetjen e Azisë, dy Amerikave dhe Afrikës, ndërsa Princi Ali atë të Evropës.

Duke komentuar skandalin, Princi Ali ka thënë se FIFA ka nevojë për një lidership që ?pranon përgjegjësinë për veprimet e saj, nuk e kalon fajin te dikush tjetër dhe rikthen besimin te qindra miliona tifozë të futbollit në gjithë botën?.

Kreu i Federatës Evropiane të Futbollit, UEFA, Michel Platini, po ashtu i ka bërë thirrje Blatterit që të ikë.

Ndryshime në udhëheqjen e FIFA-s kanë kërkuar edhe sponsorët kryesorë të Federatës, si Adidas, Coca-Cola, Visa dhe McDonald?s.

Presidenti i Rusisë, Vladimir Putin, ndërkaq, ka akuzuar Shtetet e Bashkuara për përzierje në punët e FIFA-s.





Lajmet e fundit nga