web counter
LEXO PA REKLAMA!

SHKARKO APP

App Store
Google Play

E fundit!

x

Irak, forcat qeveritare nisin ofensivën kundër ISIS

27 Maj 2015, 10:16, Kosova & Bota CNA

Forcat proqeveritare në Irak kanë nisur formalisht operacionin për të nxjerrë Shtetin Islamik nga provinca Anbar. Njoftimi u dha nga zëdhënësi i Mobilizimit Popullor, një forcë që përmbledh me dhjetëra milici shiite.
Ai tha se operacioni ka angazhuar trupa qeveritare dhe milici që po zhvendosen nga jugu prej provincës Salahuddin dhe do të përpiqen të presin rrugën e Shtetit Islamik prej Ramadit.
Kryeqyteti i provincës ra në duart e militantëve të Shtetit islamik këtë muaj pas tërheqjes së forcave irakiane. Që në atë kohë, forcat qeevritare janë grumbulluar për një kundërsulm në provincë, dhe thonë se kanë avancuar disi në lindje të ramadit në ditët e fundit.
Të martën, luftimet u raportuan në jug dhe në perëndim të Ramadit ndërsa forcat irakene u përpoqën të ndërpresin rrugët e furnizimit drejt qytetit.
Ofensiva është mirëpritur nga amerikanët, e zëvendëspresidenti Joe Biden u zotua për mbështetje të plotë të Shteteve të Bashkuara/
Por, korrespondentët thonë se Uashingtoni mbetet i pasigurtë në lidhje me rolin dominues që kanë marrë luftëtarët shiitë, shumë prej të cilëve mbështeten nga Irani. Në një zhvillim tjetër, ministri i Jashtëm francez, Laurent Fabius kritikoi qeverinë irakene, duke thënë se Parisi është bashkuar me koalicionin e drejtuar nga amerikanët vitin e kaluar e që ka ndërmarrë sulme ajrore kundër ISIS bazuar në garancinë se Bagdati përfaqësonte interesin e të gjitha grupeve në vend.
?Nuk ka zgjidhje ushtarake pa zgjidhje politike, Në shtator ne e lidhëm mbështetjen e koalicionit me angazhimet politike të qeverisë së re irakene, në atë që ne e quajmë politikë gjithpërfshirëse?, citohet të jetë thënë Fabius nga agjencia reuters.
Zëdhënësi i Mobilizimit Popullor tha se operacioni për të rimarrë kontrollin e Anbarit quhet Në shërbimin tënd o Husein, një referencë për imamin e njohur shiit.





Lajmet e fundit nga