web counter
LEXO PA REKLAMA!

SHKARKO APP

App Store
Google Play

Spanjë, lëvizja antikursim trondit në zgjedhjet lokale

25 Maj 2015, 09:25, Kosova & Bota CNA

Lëvizja kundër masave të kursimit në Spanjë ka përparuar në zgjedhjet lokale dhe rajonale në këtë vend, duke marrë terren nga partitë kryesore.
Më votat e numëruara plotësisht, partia qeverisëse ajo Popullore ka fituar pjesën më të madhe të votave me 27 për qind. Por, mund të ketë humbur shumicën në këshillin e qytetit të Madridit për të parën herë në 20 vjet.
Ekonomia spanjolle ka qenë një shqetësim kryesor për votuesit, dhe shumë qytetarë ndihen të zemëruar për shkurtimin e shpenzimeve dhe raportimeve për korrupsion politik.
Kryeministri aktual i popullorëve, Mariano Rahoj dhe ish qeveria socialiste shihen si fajtorë për këtë situatë,
Spanja zyrtarisht ka dalë nga recesioni. Gjashtë muaj përpara zgjedhjeve lokale, Partia qeverisëse Popullore ka marrë shumicën e votave duke mposhtur socialistët që u renditën të dytët me 25 për qind. Por të dyja këto parti tradicionale nuk kanë arritur të fitojnë shumicë në shumë zona, pasi kanë humbur një numër domethënës votash tek grupet që sapo kanë dalë në skenën politike, Qytetarët dhe Podemos, apo lëvizja Ne Mundemi.
Ashtu si edhe pritej si pasojë e krizës ekonomike dhe skandaleve të profilit të lartë që kanë gërryer reputacioni e partive tradicionale në Spanjë, vendi ka hyrë tashmë në një periudhë të re politike. Partitë antimasa kursimi të lidhura me lëvizjen Podemos të së majtës radikale, që saop ka mbushur një vit nga themelimi, kanë prestigjin të kenë pushtetin në Barcelonë dhe mund të formojnë koalicion për të qeevrisur edhe kryeqytetin spanjoll. Në shkallë vendi, partia popullore e kryeministrit Rahoj është ndëshkuar nga votuesit.
Barcelona në vetvete përbën një histori të pabesueshme. Kryebashkiakja e re do të jetë Ada Colau, një grua që vuri emër për fushatën në favor të njerëzve që nuk mundnin të paguanin kreditë e tyre dhe që përballeshin me seskueston e bankave pasi Spanja u godit nga kriza e sektorit të ndërtimit.





Lajmet e fundit nga