web counter
LEXO PA REKLAMA!

SHKARKO APP

App Store
Google Play

Vuçiç viziton nesër Tiranën, ja akset rrugore që do bllokohen

26 Maj 2015, 11:02, Aktualitet CNA

Kryeministri i Serbisë, Aleksandër Vuçiç do të nisë nesër një vizitë dyditore në Tiranë. Kjo është vizita e parë e një kryeministri serb në vendin tonë.

Për këtë arsye, Policia e Tiranës ka marrë masa shtrënguese për të garantuar mbarëvajtjen e vizitës së kryetarit të qeverisë serbe.

Sipas Policisë së Tiranës parashikohet ndalimi i parkimit të mjeteve që prej mbrëmjes së sotme në afërsi të Ambasadës së Serbisë në Tiranës, duke filluar nga ora 21:59. Gjithashtu, nuk do të lejohet parkimi i mjeteve përgjatë aksit, nga rruga e ?Rinasit?, në ?Qafë Kashar?, sheshi ?Shqiponja?, rruga ?Dritan Hoxha? në të dyja senset (hyrje-dalje), rruga e ?Durrësit?, sheshi ?Skënderbej?, bulevardi ?Dëshmorët e Kombit?, rruga ?Ismail Qemali? (nga radiotelevizioni në drejtim të liceut), rruga e Elbasanit deri te Pallati i?Brigadave. Gjithashtu mësohet se kreu i qeverisë serbe pritet të mbërrijë në Rinas rreth orës 11:00.

Duke filluar nga ora 10.40 e datës 27 maj 2015, do të ketë kufizim deri në bllokim lëvizje në hyrje të autostradës. Segmentet rrugore ku nuk do të lejohet parkimi i mjeteve janë: nga ?Ura e Elbasanit? , bulevardi ?Zhan Dark?, bulevardi ?Gjergj Fishta?, ekspozita ?Shqipëria Sot?, ura ?Vasil Shanto?, pallati me Shigjeta, ?Unaza e Re? në drejtim të sheshit ?Shqiponja?.

Policia e Tiranës i bënë thirrje të gjithë qytetarëve të lëvizin me motoçikleta ose biçikletë përgjatë peridhës kur dhe do jetë i kufizuar qarkullimi. Mësohet se gjithashtu gjatë dy ditëve të vizitës së Kryeministrit Vuçiç në Tiranë, edhe njësia anti-terror do të jetë në angazhim të plotë.





Lajmet e fundit nga