E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Video/ Zbulohet ne Shkoder skema e trete e manipulimit te zgjedhjeve

26 Maj 2015, 07:00, Aktualitet CNA

Në emisionin investigativ ?Ça thu? zbulohet mënyra e falsifikimit të kartave. Falsifikatori: Vetëm në Shkodër janë porositur 700 karta.

Frika e manipulimit të zgjedhjeve duke përdorur karta të falsifikuara rikthehet sërish në vendin tonë. Në emisionin ?Ça thu? në ?Agon Channel?, mbrëmjen e djeshme u transmetua metoda e falsifikimit të kartave të identitetit, duke përdorur edhe listat zgjedhore. Mjafton të paguash 100 euro në këmbim të një karte identiteti false dhe pastaj kjo kartë të jep mundësinë të votosh në 21 qershor. Ndërsa, nëse ka porosi ?me shumicë?, çmimi shkon edhe në 80 euro copa.

Duket se kaq mjafton për të qenë edhe një votues, në emër të dikujt tjetër, sidomos për ata persona që prej vitesh janë emigrantë dhe në emër të tyre mund të votojë dikush tjetër. Falsifikatori gjatë bisedës tregon që karta të tilla janë prodhuar me shumicë në zgjedhjet e vitit 2013.

Metoda që ndjekin për prodhimin e kartave është e thjeshtë, pasi në bashkëpunim me persona të ndryshëm, sigurojnë listat zgjedhore dhe më pas gjithçka mbetet e lehtë për të vijuar më tej. Mjafton një fotografi, lista zgjedhore në një zonë të caktuar dhe po me këtë fotografi, shumëfishohen kartat e reja të identitetit, nëpërmjet të cilave persona të caktuar mund të votojnë në zgjedhjet elektorale që po afrojnë.

Ajo që mbetet për t?u verifikuar nga kjo ngjarje është edhe deklarimi që vetëm në Shkodër aktualisht janë porositur rreth 700 karta identiteti. Në lidhje me cilësinë e dokumentit fals, ajo mbetet e lartë dhe nga pamjet është e vështirë të kuptohet nga kushdo që e mban në duar.

Në mungesë të makinerive të cilat kontrollojnë origjinalitetin e dokumentit të identifikimit, frika e përdorimit të kartave false për të votuar në këto zgjedhje mbetet ende e madhe. Kartat e identitetit, sipas falsifikatorëve të përfshirë në këtë skandal janë të sigurta, të regjistruara me të dhënat e reja, si dhe të pajisura nga një çip i gatshëm.

Falsifikatorët pohojnë se pjesa e fotografisë është 3- dimensionale, një standard që e ka vetëm firma, e cila ka fituar tenderin për kartat e identitetit. Ajo që ndryshon në kartat e reja të prodhuara është vetëm fotografia, pasi numri i identitetit dhe ai serial është i njëjtë me kartën e prodhuar më parë në rrugë institucionale.

Falsifikatori gjatë bisedës tregon që karta të tilla janë prodhuar me shumicë në zgjedhjet e vitit 2013. Metoda që ndjekin për prodhimin e kartave është e thjeshtë, pasi në bashkëpunim me persona të ndryshëm, sigurojnë listat zgjedhore dhe më pas gjithçka mbetet e lehtë për të vijuar më tej.

[youtube url=”https://www.youtube.com/watch?v=fGXtq1i-iGU” width=”560″ height=”315″]

[youtube url=”https://www.youtube.com/watch?v=kYNs0txdM5A” width=”560″ height=”315″]