web counter
LEXO PA REKLAMA!

SHKARKO APP

App Store
Google Play

I mori jetën gjyshes për disa bizhuteri, ja mbesa “engjëllore”, autorja e krimit tragjik

25 Maj 2015, 11:47, Aktualitet CNA

Pas vdekjes së 82-vjecares, Angje Hila, nga Shkodra, e cila u mbyt gjatë një grabitjeje në banesën e saj më 25 shkurt të këtij viti, fshihet mbesa e saj dhe i dashuri i kësaj të fundit. Mësohet se shkaktare e kësaj ngjarjeje tragjike është vetë mbesa e të moshuarës.

Ky fakt është pohuar nga policia e Shkodrës, e cila në një komunikatë për shtyp njofton se lidhur me këtë ngjarje është ndaluar 32-vjeçarja, Xhoana Hila, banuese në Tiranë dhe i dashuri i kësaj të fundit 27-vjeçari, Erando Qatipi.

32-vjeçarja përpara hetuesve ka rrëfyer ngjarjen e rëndë që u finalizua me vdekjen e të moshuarës. Ajo ka pohuar se vrasjen e ka kryer i dashuri i saj.

Ndër të tjera ajo ka shtuar se së bashku me të dashurin po vidhnin disa bizhuteri në shtëpinë e gjyshes në Shkodër, por kjo e fundit i ka pikasur. Pas kësaj 27-vjeçari, Erando Qatipi, e ka mbytur me jastëk të moshuarën Angje Hila.

Ka qenë një nga djemtë e viktimës që pas ngjarjes ka denoncuar në polici humbjen e disa bizhuterive, ndërsa deri më tani 27-vjeçari Erando Qatipi nuk ka pranuar të ketë kryer vrasjen e të moshuarës.  /sot





Lajmet e fundit nga