PDIU çel fushatën, Idrizi: Nuk jemi më një parti e vogël

24 Maj 2015, 11:34, Politikë CNA

PDIU çeli sot pasdite në Pallatin e Kongreseve fushatën për zgjedhjet lokale të 21 qershorit, si parti në koalicionin e Aleancës për Shqipërinë Europiane.

Kryetari i PDIU-së, Shpëtim Idrizi u shpreh se PDIU nuk është më një parti e vogël, por është një parti e madhe e të gjithë shqiptarëve patriotë. Ëshë parti e madhe, sepse është parti kombëtare kudo ku rreh zemër shqiptare?.

Sipas Idrizit, PDIU përveç kandidatëve në disa bashki të vendit po tregon edhe me të rinjtë e saj se është një parti e pëlqyer në elektorat. Ne, tha Idrizi, nuk do të fitojmë vetëm 4 bashkitë, por do të dyfishojmë votat për të treguar se jemi një parti e madhe.

I pranishëm në këtë aktivitet ishte edhe kandidati i ASHE-së për bashkinë e Tiranës, Erion Veliaj, i cili vlerësoi emërimin e kreut të PDIU-së, Shpëtim Idrizi në postin e nënkryetarit të Kuvendit dhe premtoi emërtimin e sheshit ?Çamëria?, në kryeqytet.

Kandidati i Aleancës për Shqipërinë Europiane, Erion Veliaj përshëndeti hapjen e fushatës së PDIU-së, ku deklaroi se mazhoranca është sot krenare që ka në Kuvend një nënkryetar si Shpëtim Idrizi.

?Jam shumë krenar sot, që Parlamenti i Shqipërisë ka sot një nënkryetar si Shpëtim Idrizi. Ka disa njerëz që thonë se çmimi që ne duhet të paguajmë për të hyrë në Europë është se duhet të mos flasim për vendin tonë. Ka disa që thonë se po të flasim për Çamërinë i prishim punë perëndimit, por unë them që duhet të jemi patriotë për Shqipërinë dhe Çamërinë. Ne jemi krenarë që jemi patriotë, që duam Shqipërinë dhe kjo na bën më shumë, jo më pak europianë?, tha Veliaj.

Veliaj kërkoi votën për koalicionin e mazhorancës, jo për propagandë e populizëm, siç tha ai, por për të kryer punë konkrete. Ai përmendi një sërë bashkëpunimesh me PDIU-në, ku u ndal veçanërisht tek marrëveshjet për njohjen e pensioneve.

Kandidati i ASHE-së për Tiranën premtoi emërtimin e sheshit ?Çamëria? dhe kërkoi që në këto katër javë fushate, të punohet maksimalisht për të siguruar fitoren e mazhorancës, jo vetëm në Tiranë, por edhe në Patos, Rrogozhinë, Konispol e Peqin, ku ASHE kandidon me emrat e propozuar nga PDIU sipas marrëveshjes së arritur mes dy partive.