web counter
LEXO PA REKLAMA!

SHKARKO APP

App Store
Google Play

LG prezantoi një televizor super të hollë

21 Maj 2015, 16:15, Tech CNA

LG prezantoi sot një prototip të ekranit OLED shumë i hollë dhe i lehtë, i cili do të përdoret tek gjenerata e re e televizorëve super të hollë. Ekrani i ri OLED është 55 inç, peshon 1.9 kg dhe është vetëm 0.97 mm i hollë. Mbi të gjitha, televizori mund të ngjitet në mur nëpërmjet një magneti. Paneli, i shfaqur gjatë një eventi të zhvilluar të martën në Kore, është akoma një prototip dhe do të duhet kohë derisa ai të përdoret tek televizorët. Megjithatë, LG ka konfirmuar se televizorët e saj të ardhshëm do të kenë ekrane OLED. Drejtori i divizionit LG Display, Yeo Sang-deog, deklaroi se kompania do të fillojë me prodhimin e ekraneve OLED në tremujorin e tretë të vitit 2015. Për më tepër, LG Display ka në plan të shesë 600 mijë ekrane OLED në vitin 2015 dhe 1.5 milionë në vitin 2016. LG prezantoi shtatë televizorë të rinj OLED gjatë panairit CES të zhvilluar në muajin janar, me përmasa nga 55 inç deri në 77 inç. Gjatë eventit të zhvilluar të matën, LG njoftoi gjithashtu se do të hedhë së shpejti në treg një televizor me ekran OLED 99-inç, i cili nuk do të jetë aq i hollë sa prototipi i ekranit të mësipërm





16:15 Tech

Testohet Audi SQ7

Makina e re e kompanisë gjermane, Audi SQ7 është parë tek ës...

Lajmet e fundit nga