web counter
LEXO PA REKLAMA!

SHKARKO APP

App Store
Google Play

E fundit!

x

ILDKP kallëzim penal për ish-ministrin. Prifti: E urdhëroi Meta

21 Maj 2015, 16:34, Aktualitet CNA

Inspektorati i Lartë i Deklarimit dhe Kontrollit të Pasurisë njoftoi sot se ka depozituar një kallëzim penal për ish-ministrin e Energjetikes Dritan Prifti, për fshehje të pasurisë në vlerën e 4.6 milionë eurove.
Kallëzimi i depozituar në Prokurorinë e Tiranës përfshin kontrollin e kryer nga ILDKPKI përgjatë viteve 2003-2013, kohë në të cilën Dritan Prifti ka mbajtur postin e ministrit dhe funksionin e deputetit.

Nga ana e tij, ish-ministri Prifti ka deklaruar se kallëzimi penal ndaj tij, ndërkohë që hetimet mund të kryhen deri në 2 vjet pas dorëzimit të detyrës nga zyrtarët, është I urdhëruar nga Ilir Meta për presion.

ILDKPKI tha se e ka dërguar kallëzimin penal në Prokurorinë e Përgjithshme ?duke insistuar që hetimet paraprake të shtrihen më tej, me qëllim për të zbuluar nëse ndodhemi edhe para veprave të tjera penale?.
Sipas kallëzimit rezulton se në këtë 10-vjeçar Prifti ka fshehur pasurinë nëpërmjet kontratave fiktive, ndërsa pritet që prokuroria e Tiranës të nisë hetimet pas këtij kallëzimi.

Në kallëzim ILDKP sqaron se pas kontrolleve të kryera janë krijuar dyshimet se Prifti ka kryer transferta të dyshimta brenda dhe jashtë vendit duke pastruar e fshehur vlerën e 4.6 milionë eurove pasuri.





Lajmet e fundit nga