web counter
LEXO PA REKLAMA!

SHKARKO APP

App Store
Google Play

E fundit!

x

AMA: Të zbardhet pengmarrja e dy reporterëve në Librazhd

20 Maj 2015, 16:15, Aktualitet CNA

Autoriteti i Mediave Audiovizive, AMA me anë të një deklarate kërkoi zbardhjen e plotë të rrethanave të ngjarjes dhe nxjerrjen përpara Drejtësisë të autorëve të dhunës së ushtruar ndaj dy reporterëve televizivë, Agim Blloshmi dhe Kristaq Binjaku në rrethin e Librazhdit.
?AMA ka përcjellë me shqetësim ngjarjen e fundit të dy reporterëve televizivë, Agim Blloshmi dhe Kristaq Binjaku, të cilët në mbrëmjen e datës 19 maj 2015, jo vetëm janë penguar në kryerjen e detyrës së tyre, por dhe janë qëlluar dhe janë mbajtur peng nga persona të armatosur, në zonën rurale të rrethit të Librazhdit, duke rrezikuar seriozisht jetën e tyre?, thuhet në deklaratën e Autoritetit të Medias.

?Dy gazetarët kanë qenë në përmbushje të detyrës duke investiguar mbi një rast të shkeljes së ligjit dhe goditja ndaj tyre është një akt i dënueshëm kundër fjalës së lirë dhe angazhimit profesional të komunitetit të medias për informimin e publikut.
AMA kërkon nga organet kompetente që sa më parë të zbardhen rrethanat e plota të ngjarjes dhe të përgjigjen para drejtësisë personat e përfshirë direkt ose indirekt?, përfundon deklarata.

Reporterët në fjalë kanë qenë duke kryer detyrën në momentin që mbi ta është ushtruar dhunë dhe janë mbajtur peng në Librazhd. Incidenti është denoncuar edhe nga disa media.





Lajmet e fundit nga