E fundit!

18:24 Aktualitet

Mbahet protesta e shtatë në Tiranë kundër qeverisë

Këtë të shtunë po mbahet protesta qytetare e radhës në qen...

Fibrilacionin atrial/ Rreziqet e alkoolit dhe kafeinës

17 Maj 2015, 06:19, Lifestyle CNA

Fibrilacioni atrial (FibA) është një çrregullim i zakonshëm i ritmit të zemrës. FibA i shkakton zemrës rrahje kaotike dhe të çorganizuara. Kjo mund të çojë në rrjedhjen jo të përshtatshme të gjakut në zemër dhe në trup. Simptomet e FibA janë frymëmarje të shkurtëra, palpitacione të zemrës, dhe konfuzion.
Mjekët zakonisht japin barna për të parandaluar dhe lehtësuar simptomat e FibA. Proçedurat e vogla mund të rivendosin ritmin normal kardiak. Për pacientët me FibA, ndryshimet e jetesës janë shpesh aq të rëndësishme sa trajtimet mjekësore. Në këto ndryshime përveç përzgjedhjes së ushqimeve është e rëndesishme edhe shmangia e faktorëve të tjerë që mund të shkaktojnë një episod të FibA. Më kryesorët në mesin e këtyre faktorëve janë alkooli, caffeina dhe stimuluesit.

Alkooli
Nëse keni FibA, disa birra duke parë një ndeshje futbolli mund të përbëjnë problem. Hulumtimet tregojnë se alkooli rrit rrezikun e një personi për FibA. Një studim i publikuar në Canadian Medical Association Journal vërteton se edhe konsumi i moderuar i alkoolit, rrit rrezikun e një personi për simptoma të FibA. Kjo ishte veçanërisht e vërtetë për njerëz mbi 55 vjeç ose më të vjetër.

Kafeina
Kafeina gjëndet në shumë ushqime dhe pije, duke përfshirë kafe, çaj, çokollatë, dhe pije energjike. Për vite, mjekët u thanë pacientëve me probleme kardiake për të shmangur plotësisht nxitësit. Tani, megjithatë, shkencëtarët nuk janë aq të sigurt. Një studim në American Journal of Clinical Nutrition gjeti se kafeina është e rrezikshme për njerëzit me FibA vetëm në doza shumë të larta dhe në rrethana të jashtëzakonshme. Rekomandimet për konsum kafeine tek personat me FibA ndryshojnë. Mjeku vlerëson situatën, ndjeshmërinë dhe rreziqet që mund të krijohen në qoftë se konsumoni kafeinë.

Dehidratimi
Konsumi i alkoolit dhe kafeinës mund t?a bëjë trupin të dehidratuar. Kjo mund të shkaktojë një ngjarje të FibA. Një zhvendosje dramatike e niveleve të lëngjeve në trup – nga konsumi shumë i vogël ose shumë i madh i lëngjeve – mund të ndikojë në funksionet normale të trupit. Djersitja gjatë muajve të verës ose nga rritja e aktivitetit fizik, mund të bëjë që të dehidratoheni. Viruset që shkaktojnë diarre ose vjellje gjithashtu mund të shkaktojnë dehidratim.

Stimulantët
Kafeina nuk është i vetmi stimulues që mund të ndikojnë në ritmin e zemrës. Disa medikamente, duke përfshirë edhe ato për ftohje, mund të shkaktojnë simptoma të FibA. Kontrolloni këto lloje barnash. Këto stimulues mund të shkaktojnë një episod të FibA nëse jeni i ndjeshëm ndaj tyre apo keni sëmundje të tjera të zemrës që ndikojnë në FibA.