web counter
LEXO PA REKLAMA!

SHKARKO APP

App Store
Google Play

E fundit!

x

PD-PS përplasen për kandidatët e inkriminuar, neni 73 nuk lejon ndryshimin e emrave të regjistruar

12 Maj 2015, 06:30, Aktualitet CNA

Partia Socialiste dhe Partia Demokratike, tashmë kanë një alibi të fortë dhe justifikim ligjor për të mos ndryshuar kandidatët  me rekorde kriminale për zgjedhjet e 21 qershorit. Kodi Zgjedhor nuk lejon zëvendësimin e kandidatëve për një njësi vendore të caktuar, nëse ai është i regjistruar në Komisionin Qendror të Zgjedhjeve. Konkretisht është pika 4  nenit 73 të Kodit Zgjedhor që ndalon kandidatët të çregjistrohen në momentin që ata kanë bërë regjistrimin e KQZ. Neni 73, pika 4 parashikon që: ?Emrat në listat shumemërore dhe renditja e tyre nuk mund të ndryshohen pas miratimit përfundimtar nga ana e KQZ-së ose, sipas rastit, KZAZ-së, sipas pikës 2 të këtij neni?. Në një kohë kur përfaqësuesit e institucioneve më të larta në Shqipëri kanë shpeshtuar thirrjet për pastrimin e listave nga kandidatët e inkriminuar, duket se ky nen do të përdoret nga partitë për t?u justifikuar ligjërisht me pamundësinë për t?ia hequr të inkriminuarve për t?u bërë kryebashkiak.

Rasti i kandidatit të Kurbinit

Ky fakt u evidentua pas kërkesës për dorëheqje që ka depozituar kandidati i Partisë Demokratike për Bashkinë e Kurbinit, Altin Biba, ditën e shtunë. Por, për nenin 73 të pikës 4 dy përfaqësuesit ligjor të dy partive në Komisionin Qendror të Zgjedhjeve e kanë argumentuar në mënyra të ndryshime këtë pikë. Përfaqësuesi i Partisë Socialiste në KQZ, Genc Gjonçaj, duke iu referuar Kodit Zgjedhor shprehet se pas vendimit për regjistrim në KZAZ apo KQZ të kandidatëve nuk mund të tërhiqen nga gara. Sipas Gjonçajt, çdo vendim pas regjistrimit, nuk është i vlefshëm juridikisht.  ?Pasi KZAZ ose KQZ ka vendosur me vendim pranimin e dokumentacionit dhe regjistrimin  kandidatit, përtej këtij afati nuk mund të tërhiqet askush. Mbeten kandidatë të listës për zgjedhjet e 21 qershorit. Në rastin konkret, në dijeninë time kandidati është regjistruar pranë KZAZ përkatëse dhe çdo deklaratë apo vërtetim juridikisht dhe në kuptimin e Kodit Zgjedhor nuk mund të merret parasysh?, Genc Gjonçaj.

Por përfaqësuesi Ligjor i partisë Demokratike në Komisionin Qendror të Zgjedhjeve, Njazi Kosovrasti, nuk e shikon të mbyllur procesin e regjistrimit të kandidatëve. Ai shprehet se edhe nëse KZAZ ose KQZ ka marrë vendimin për regjistrimin në bazë të kërkesë së subjektit politik por nëse pas këtij moment ka një deklaratë individuale për tërheqje të kandidatit, atëherë subjekti politik mund të paraqesë kandidatin tjetër. ?Mbas momentit të marrjes së vendimit për miratimin e kandidaturës, subjekti vetë nuk mund të bëjë kërkesë për ta hequr atë kandidatë. Ai është miratuar me vendim. Por kandidati  thotë ?unë nuk dua të jem kandidat?. Meqenëse afati, korrigjimet nuk janë mbyllur, meqenëse në kod nuk ka një nen që specifikon, subjekti është në kushtet kur mund të sjellë propozimin e ri?, arsyetoi Njazi Kosovrasti. Por ajo që duhet theksuar është se sot, më datë 12 maj, është afati i fundit kur partitë politike do të mund të bëjnë korrigjime në dokumente apo zëvendësime ndryshime të kandidatëve.





Lajmet e fundit nga