E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Ndryshojnë rregullat e emërimit të mësuesve, ministrja pranon dështimin e skemës

12 Maj 2015, 06:17, Aktualitet CNA

Emërimi i mësuesve në shkollat e vendit do të jetë në dorë të Ministrisë së Arsimit. Me draftin më të fundit për arsimin parauniversitar propozohet ndryshimi i formulës për rekrutimin e arsimtarëve dhe me skemën e re gjithçka do të varet nga MAS. Komisionet e vlerësimit pranë shkollave do ta humbin rolin e tyre dhe do të ngrihen komisione të posaçme pranë drejtorive arsimore, ndërsa ministri do të përcaktojë procedurat e konkurrimit dhe vlerësimit. Drafti u prezantua dje nga ministrja Lindita Nikolla në Komisionin e Medias dhe Edukimit, e cila tha se kjo nevojë vjen për shkak se aktualisht komisionet e vlerësimit nuk kanë funksionuar. ?Kemi pasur raste të shumta të konflikteve personale midis anëtarëve të komisioneve në procesin e konkurrimit, për shkak të pikëpamjeve personale apo njohjeve personale ndaj kandidatëve.

Pa folur pastaj për pamundësinë për të mbledhur dhe përcaktuar komisione në shkolla të vogla apo në zona të thella. Këto kanë qenë arsyet që ne kemi dashur ta riadresojmë në një formë të re, pa hequr dorë nga komisionet e vlerësimit. Por ato do të organizohen në bazë drejtori arsimore, në bazë zyrash arsimore, lidhur ngushtësisht dhe me procesin e transparencës dhe rankimit të gjithë burimeve njerëzore, të gjithë punëkërkuesve?, deklaroi Nikolla. Po ashtu ministrja është shprehur se në shumë raste anëtarët e komisionit nuk kanë njohuritë dhe përgatitjen e duhur për përzgjedhjen e mësuesve. Gjithashtu, ajo ka deklaruar se në shumë raste është bllokuar procesi për muaj me radhë. Drafti Drafti i ri parashikon ndryshime në nenin 60 të ligjit aktual.

Në këtë të fundit, thuhet se mësuesi emërohet nga drejtori i institucionit me konkurrim të hapur, pas propozimit të kandidaturave të komisionit për vlerësimin. Ndërsa komisioni përbëhet nga një përfaqësues nga njësia arsimore vendore, kryetari i bordit, kryetari i këshillit të prindërve dhe dy mësues që zgjidhen nga këshilli i mësuesve. Ndërsa MAS ka kërkuar që pika 1 e këtij neni të ndryshojë: ?Në institucionin arsimor publik, për një vend të lirë pune, mësuesi emërohet nga drejtori i institucionit arsimor, me konkurrim të hapur. Procedurat e konkurrimit dhe vlerësimit përcaktohen me udhëzim të ministrit?.

Struktura

Një tjetër nen që MAS ka kërkuar të ndryshohet në ligjin e vitit 2012 për arsimin parauniversitar është neni 22, pika 2. Sipas ligjit aktual, pas vitit 2015 struktura e sistemit arsimor parauniversitar do të ndryshojë nga 5+4+3, në 6+3+3. Por me ndryshimet e propozuara, MAS kërkon që të mos ndodhë një gjë e tillë dhe të mbetemi te skema aktuale. Ministrja Nikolla dje në komision u shpreh se ky propozim ka ardhur për shkakun se mësuesit në vend nuk kanë formimin e duhur për një ndryshim të tillë. Gjithashtu, ajo u shpreh se po vijojnë trajnimet me arsimtarët. ?Përvoja tregon se kompetencat profesionale të mësuesve në fillore nuk janë në nivelin e duhur?, u shpreh Nikolla. Kjo gjë është argumentuar edhe në relacionin e ligjit, ku theksohet se kushtëzimi ka ardhur pikërisht nga aftësitë e mësimdhënësve.