web counter
LEXO PA REKLAMA!

SHKARKO APP

App Store
Google Play

Moska tregon “muskujt” në paradën ushtarake të Fitores

9 Maj 2015, 08:03, Kosova & Bota CNA

Rusia mbajti paradën e saj më të madhe ushtarake, në përkujtim të 70 vjetorit të fitores mbi nazistët gjermanë në Luftën e Dytë Botërore. Me mijëra trupa marshuan në Sheshin e Kuq në Moskë dhe armë të reja u shfaqën për herë të parë si pjesë e forcës ruse. Më shumë se 20 krerë shtetesh mbërritën në Moskë për paradën, por shumë liderë perëndimorë e kanë bojkotuar paradën për shkak të rolit të Rusisë në Ukrainë

Në nisje të eventit, presidenti rus, Vladimir Putin tha se bashkëpunimi ndërkombëtar është venë në rrezik vitet e fundit.

Rusia I mohon akuzat e Perëndimit se ajo ka armatosur kryengritësit në lindje të Ukrainës, ku janë vrarë më shumë se 6 mijë njerëz që nga nisja e luftimeve në prill të vitit të kaluar.

Në fjalimin e tij, presidenti Putin nderoi sakrificat e trupave sovjetike gjatë Luftës së Dytë e falënderoi popullin e Britanisë së Madhe, Francës dhe Shteteve të Bashkuara për kontributin në fitore.

Por, ai shtoi se në dekadat e fundit, parimet bazë të bashkëpunimit ndërkombëtar janë injoruar shumë më tepër. ?Shohim se mentaliteti i bllokut ushtarak po fiton terren?, theksoi Putin.

Parada madhështore nisi me presidentin kinez, atë Indian dhe sekretarin e Përgjithshëm të OKB-së si figurat kryesore pjesëmarrëse. Në paradë marrin pjesë njësi ushtarake nga e gjithë Rusia, veshur me uniforma të Luftës së Dytë Botërore dhe më shumë se 100 avionë fluturojnë sipër marshimit. Armatimi më I ri d he shumë I përfolur high-tech, tanket luftarake T-14 marshuan në shesh, sikundër edhe raketat ndërkontinentale që mund të qëllojnë tre mbushje bërthamore në të njëjtën kohë.





Lajmet e fundit nga