E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Pedagogët e Universitetit të Tiranës i përgjigjen Nikollës dhe biznesmenëve: Mos i ngatërroni universitetet publike me llogari bankare

8 Maj 2015, 06:24, Sociale CNA

Deklarata e ministres së Arsimit, Lindita Nikolla dhe biznesmenëve, me të cilët ajo mbajti një tryezë për ligjin e arsimit të lartë dy ditë më parë, nuk është pritur aspak mirë nga pedagogët dhe studentët. Ministrja tha se gjatë diskutimit disa pedagogë janë shprehur se ata profesorë që kundërshtojnë draftin nuk përfaqësojnë të gjitha universitetet në vend. Një ndër ata persona që dhanë një deklaratë të tillë ishte dhe akademiku Fatos Tarifa.

Por deklarata e tij është cilësuar si një gënjeshtër nga pedagogët e universiteteve publike, të cilët janë shprehur se janë të shumtë ata akademikë që e kundërshtojnë projektligjin për arsimin e lartë. Por edhe pse vetë Universiteti i Tiranës ka dalë shpesh herë kundër këtij projektligji të hartuar nga Ministria e Arsimit, si dhe disa drejtues të universitete të rretheve kanë shfaqur objeksione, Nikolla dhe pranishmit në tryezë sërish janë shprehur se ata nuk përfaqësojnë gjithë profesoratin.

Në një prononcim për gazetën ?Sot?, pedagogu Jani Marka, si dhe një ndër ata aktivistë që ka protestuar ashpër kundër draftit, ka deklaruar se janë të gjitha fakultetet e Tiranës që e kundërshtojnë ligjin, i cili sipas tij, është hartuar vetëm për interesa të privatëve. ?Për z. Tarifa mund të them se nuk është aspak e vërtetë që reformën e kundërshtojnë vetëm 4-5 profesorë, i kujtoj z. Tarifa se të gjitha këshillat e fakulteteve të Universitetit të Tiranës, dhe vetë Senati i UT-së, kanë shprehur kritika të forta për projektligjin, veçanërisht për kapitullin e 12-të, i cili është lobim i pastër i privatëve, ku edhe z. Tarifa merr pagën e tij të majme – si në qershorin e kaluar ashtu edhe në vjeshtën e kaluar, si edhe në javët e fundit?, deklaroi ai.

Studentët

Një tjetër deklaratë që ka lëshuar Tarifa gjatë tryezës për arsimin është dhe se studentët që protestojnë janë duke u manipuluar nga pedagogët. Por për pedagogun Marka një gjë e tillë nuk është aspak e vërtetë, duke thënë se universiteti nuk duhet ngatërruar me llogaritë bankare. ?I them z. Tarifa se studentët që protestojnë nuk janë dele, dele mund të jenë ata studentë që marrëdhëniet me universitetin i kanë vetëm përmes llogarisë bankare?, ka vijuar ai. Deklarata gjatë konferencës nuk janë pritur mirë as nga studentët, pasi disa prej tyre kanë reaguar ashpër në rrjetet sociale.

Ligji për arsimin

Por pavarësisht të tilla deklaratave, pedagogë dhe persona të tjerë të fushës akademike vijojnë të shprehin rezerva kundër ligjit për arsimin e lartë në vend. Një ndër zërat kritikë është dhe pedagogu Aleksandër Koçani, i cili është shprehur se pedagogët do vijojnë ta ngrenë fort zërin kundër këtij ligji, duke paralajmëruar edhe bojkote. ?Qeveria duke mos reaguar po na detyron të shkojmë drejt bojkotit masiv. Nëse nuk dëgjohet fjala jonë jemi të detyruar që të shkojmë në bojkot?, ka thënë ai. Gjatë pjesëmarrjes në protestën e studentëve, ai u ka bërë thirrje edhe deputetëve që të dëgjojnë zërin e tyre gjatë diskutimit të ligjit në komisionet parlamentare.

Rezerva kundër draftit ka shfaqur edhe sociologu Renato Bregu, i cili dje ka shprehur mbështetje për protestën e studentëve. Ai ka thënë përmes rrjeteve sociale se duhet të ulen tarifat shkollore dhe të shkohet drejt arsimit falas, të rritet buxheti për universitetet publike dhe të rritet pjesëmarrja e studentëve në strukturat vendimmarrëse.