web counter
LEXO PA REKLAMA!

SHKARKO APP

App Store
Google Play

E fundit!

x

Dhurata Shehri: Nikolla ndryshoi tre herë ligjin për arsimin e lartë

25 Prill 2015, 06:30, Sociale CNA

Që pas prezantimit që u bë para pedagogëve, projektligji për arsimin e lartë ka pësuar shumë ndryshime derisa u dorëzua në Kuvend.

Por ndryshime nuk ka pasur vetëm një herë, por tre herë. Që pas prezantimit që u bë në muajin mars pati reagime të fuqishme nga universitetet kundër draftit, duke kërkuar ndërhyrje në të dhe mësohet se ka pasur një sërë ndryshimesh nga komisioni hartues, i cili e dorëzoi atë në Ministrinë e Arsimit. Por më pas ligji është ndryshuar edhe dy herë të tjera, një herë përpara se ai të dorëzohej në qeveri nga MAS dhe pas dorëzimit në qeveri është ndryshuar sërish, derisa u arrit në variantin që është dorëzuar në Parlament.

Kjo është konfirmuar edhe nga Përgjegjësja e Departamentit të Letërsisë, Dhurata Shehri, e cila u shpreh se në disa pika ka pasur edhe përkeqësime, e për këtë arsye ajo deklaroi se do të kërkohet që të ndryshohen ato nene që sipas pedagogëve janë të papërshtatshme dhe dëmtojnë sistemin arsimor. ?Edhe më parë e kam deklaruar që ka disa pika që është ndryshuar drafti, në të cilat është përkeqësuar. Por ai është ndryshuar 2-3 herë derisa u dorëzua në Parlament. Një kur ka kaluar që nga komisioni në ministri, një herë kur ka kaluar nga ministria në qeveria dhe ka pësuar ndryshime kur ka kaluar nga qeveria në parlament. Pak pika, por ka disa që janë ndryshuar dhe ne i kemi evidentuar?, tha ajo.





Lajmet e fundit nga