web counter
LEXO PA REKLAMA!

SHKARKO APP

E fundit!

x

Bashkëpunim për faktorin përsëritës të krimit

15 Prill 2015, 17:27, Sociale CNA

Një tryezë pune me fokus përsëritjen e krimeve u mbajt sot me pjesëmarrjen e përfaqësuesve më të lartë të institucioneve qeveritare, të cilat përballen në një formë të caktuar me kët fenomen. Në fjalën e tij, zv/Ministri i Drejtësisë Arben Isaraj u ndal në analizimin e situatës së përsëritjes së veprave penale nga të miturit në konflikt me ligjin.

Isaraj propozoi publikimin e një manuali apo botimi për pasurimin e kulturës juridike, e cila është mëse e nevojshme për edukimin e shoqërisë me njohuritë bazë të së drejtës, funksionimit të sistemit të drejtësisë në vendin tonë  si një mangësi që është bërë shkak për konfliktualitetin me ligjin të shumë qytetarëve, veçanërisht të të miturve.

Ndërsa Drejtori i Përgjithshëm i Burgjeve, Artur Zoto, në fjalën e tij parashtroi një sërë të dhënash statistikore mbi recidivizmin tek të miturit në sistemin penitenciar gjatë viteve të fundit, një fenomen që po shënon rritje dhe që nxit për ballafaqimin në diskutime të kësaj natyre mes të gjithë aktorëve institucionalë dhe të shoqërisë.





Lajmet e fundit nga